سەرۆکی ئەمریکا، جۆ بایدن رایگەیاند، کاردانەوەی بەرامبەر بە رێککەوتنی نێوان رووسیا و بێلاڕووسیا سەبارەت بە چەکی ئەتۆمی تاکتیکی “زۆر نەرێنی” یە.
جۆ بایدن لە کۆشکی سپی وەڵامی پرسیاری رۆژنامەنووسانی دایەوە و لە وەڵامی پرسیارێکدا سەبارەت بە کاردانەوەی خۆی بەرامبەر بە رێککەوتنی نێوان رووسیا و بێلاڕووسیا سەبارەت بە چەکی ئەتۆمی تاکتیکی، بایدن گوتی: “کاردانەوەم زۆر نەرێنی بوو”.
لەلایەکی دیکەوە بایدن رایگەیاند؛ گەشبینە بە گفتوگۆکان سەبارەت بە سنووردارکردنی قەرزەکان و ئاماژەی بەوەشدا کە دانوستانەکان بەردەوامن و هیوادارە روون ببێتەوە کە ئایا رێککەوتنێک دەکرێت یان نا.
رۆژی ٢٥ی ئایار وەزیری بەرگریی رووسیا، سێرگی شۆیگو و هاوتا بێلاڕووسییەکەی، ڤیکتۆر هرینین ئەو بەڵگەنامانەیان واژۆ کرد کە سەبارەت بە جێگیرکردنی چەکی ئەتۆمی تاکتیکی لە بێلاڕووسیا ئامادە کرابوو.
