کەشناسی: بەفربارین بەردەوام دەبێت

  • 865 بینین

بەڕێوەبەرایەتی گشتی کەشناسی و بومەلەرزەزانی هەرێمی کوردستان رایگەیاند، بارینی بەفر و نمەباران بەردەوامی دەبێت و پلەکانی گەرماش زیاتر نزمدەبنەوە.

بەڕێوەبەرایەتییەکە بڵاویکردووەتەوە، ئەمشەو ئاسمانى هەرێم هەور دەبێت و لە هەندێ کات نیمچە هەور دەبێت تا نیوەشەو ئەگەرى نمە بارانێکى کەم لە سەنتەرى شارەکان هەیە و بەفر بارینى پچڕ پچڕ تا سبەى بەیانى زوو لە ناوچە شاخاوییەکان بەردەوامى دەبێت و نزمترین پلەکانى گەرمى زیاتر ڕوولە دابەزین دەکەن بە بەراورد لەگەڵ نزمترین پلەکانى گەرمى ئەمڕۆ.

کەشناسی دەشڵێت:”ئێستا لە باشورى هەرێم خۆڵ بارین هەیە و مەوداى بینین لە کەرکووک 2کم و لە خورماتوو 1کم و چەمچەماڵیش تۆزێکى سووک هەیە.”.

کەشناسی ئاماژەی بەوەشکردووە، سبەى شەممە بەیانى ئاسمان هەور و نیمچە هەورە دەبێت بەرزترین پلەکانى گەرمى بە (2-4) بەرزدەبنەوە لەگەڵ ئەگەرى بەرزبونەوەى تۆزێکى سووک.

لە بەیانی ئەمڕۆوە شەپۆلێکی بەفربارین هەرێمی کوردستانی گرتووەتەوە لە هەندێک شوێن نزیکەی ١٠ سم بەفر باریوە.

پەرلەمانی عێراق لەسەر بەپارێزگابوونی هەڵەبجە کۆدەبێتەوە
پێشت پەرلەمانی عێراق لەسەر بەپارێزگابوونی هەڵەبجە کۆدەبێتەوە
كۆمپانیایەكی تری بەرهەمهێنانی نەوت كارەكانی لە هەرێمی كوردستان ڕاگرت
دواتر كۆمپانیایەكی تری بەرهەمهێنانی نەوت كارەكانی لە هەرێمی كوردستان ڕاگرت
پەیوەندیدار