ئێمە لە تۆرە کۆمەڵایەتیەکان

ژینگە

تەوژمێكی هەوای فێنك عیراق و هەرێم دەگرێتەوە

خەڵك- بەشی هەواڵ
شارەزایەكی بواری كەشناسی، پێشبینی دەكات لەچەند ڕۆژی داهاتوودا، تەوژمێكی هەوادی سارد ڕوو لە تەواوی شارەكانی عیراق بكات.

ئەمڕۆ چوار شەممە، سادق عەتیە، شارەزای بواری كەشناسی لە هەژماری خۆی لەسەر تۆڕی كۆمەڵایەتی (فەیسبوك)، نوسیویەتی، “پێشبینییەكان ڕوو لەوەن، تەوژمێكی هەوای سارد (بەدەگمەن ڕوودەدات)، لەچەند ڕۆژی داهاتوودا ڕوو لە عیراق و هەرێمی كوردستان بكات و ببێتە مایەی تێكدانی بەرزبوونەوەی پلەكانی گەرما و كەشوهەوا پاكبكاتەوە، گومانیشی تێدا نییە، ئەم تەوژمە، پلەكانی گەرما لە تەواوی شارەكانی عیراقدا دادەبەزێنێت”.

بە وتەی سادق عەتیە، ” ئەم گۆڕانكارییە لە كەشوهەوادا، لە سەرەتای هەفتەی داهاتووەوە دەستپێدەكات”.

ئەو كەشناسە پێیوایە، ” ئاڕاستەی با لە باكوور و خۆرئاواوە بەردەوام بێت، وێڕای دەركەوتنی هەندێك پەڵە هەور لە هەندێك شاری باشوور و ناوەڕاستی وڵات لە سبەینێ‌ پێنج شەممە، كە بەرزییەكانیان ماماناوەند دەبێت”.

لەگەڵ دەستپێكردنی مانگی تەمموز، پلەكانی گەرما لە تەواوی شارەكانی عیراقدا بەشێوەیەكی بەرچاو ڕوویان لە بەرزبوونەوە كرد و لە هەندێك شاری عیراقیشدا، بەرزترین پلەی گەرما لە جیهاندا تۆماركران.

ژینگە

كەشناسی هۆشداری دەدات
دوو شەپۆلی باران و سەرما و بەفر هەرێمی كوردستان دەگرێتەوە

خەڵك- بەیش هەواڵ
بەپێی پێشبینییەكانی كەشناسی هەرێم، دوو شەپۆلی دیكەی باران و سەرما ناوچەكانی هەرێمی كوردستان دەگرێتەوە و ڕاشیدەگەیەنێت، كە ئەگەری بەفر بارین لە ناوچە شاخاوییەكان هەیە و هەینی دۆخەكە ئاسایی دەبێتەوە

بەڕێوەبەرایەتی گشتی كەشناسی و بوومەلەرزەزانی هەرێم لە هۆشدارییەكدا ئاماژەی بەوەكردووە، لە ئێوارەی ڕۆژی چوار شەممەوە هەرێمی كوردستان دەكەوێتە ژێر كاریگەری نزمە پاڵەپەستۆی دەریای سوور و كاریگەریەكەی بەشێوەی نمە باران دەبێت.

ئاشكراشی كردووە، ڕۆژی پێنج شەممە شێوەی دابارین دەگۆڕێت بۆ بارانی مام ناوەند و لێزمە باران بە تایبەت چەند ناوچەیەك و لەهەمان كاتدا هەورە تریشقەی لەگەڵ دەبێت و بارستە هەوایەكی سارد كار دەكاتە سەر ناوچەكەمان و پلەكانی گەرما ڕوو لە دابەزین دەكات و لە ناوچە شاخاویەكان ئەگەری بارینی بەفر هەیە.

ڕوونیشی كردۆتەوە، ڕۆژی هەینی كاریگەریەكەی لاواز دەبێت و تەنها باران بە شێوەی پچڕ پچڕ دەبێت و دواتر بەشێوەیەكی كاتی باران بارینەكە دەوەستێت.

جەختیشی كردۆتەوە، ڕۆژی دوو شەممەی داهاتوو دووبارە كاریگەریەكە چالاك دەبێتەوە.

بەردەوام بە لە خوێندنەوە

ژینگە

لەسنوری ئاغجەلەر چوار ڕاوچی لەكاتی ڕاودا دەستگیركران

خەڵك- بەشی هەواڵ
پۆلیسی دارستان و ژینگەی سلێمانی دەستگیركردنی چوار ڕاوچی لە سنوری ئاغجەلەر لەكاتی ڕاودا ڕادەگەیەنێت و دەشڵێت: “ڕاوكردن یەكێكە لەو دیاردە ترسناكانەی ڕووبەڕوی ئاژەڵ و باڵندە كێویەكان دەبێتەوە”.

بەڕێوەبەرایەتی پۆلیسی دارستان و ژینگەی سلێمانی لە ڕاگەیەنراوێكدا ئاماژەی بەوەكردووە، ڕاوكردن یەكێكە لەو دیاردە ترسناكانەی ڕووبەڕوی ئاژەڵ و باڵندە كێویەكان دەبێتەوە، ئەمەش هۆكارە بۆ لەناوچونی زۆرێك لەو باڵندە ناوازانەی لەكوردستاندا بوونیان هەیە.

ڕوونیشی كردۆتەوە، هەرچەندە ڕێنمایەكانی پۆلیسی دارستان بەردەوام هاووڵاتیان ئاگادار ئەكەنەوە خۆشەویستیان هەبێت بۆ ئاژەڵ و باڵندە كێوییەكان، بەڵام زۆرن ئەو هاووڵاتیانەی بێ گوێ دانە یاسا و ڕێنماییەكان دەبنە هۆی تێكدانی ئەو ژینگەیەی، كە ژیان تیێدا مافی هەمووانە.

ئاشكراشی كردووە، مەفرەزەیەكی بنكەی پۆلیسی دارستان و ژینگەی (ئاغجەلەر) سەر بە بەشی چەمچەماڵ لە ئەنجامی دوو دەرچوونی میدانیاندا بە سەرپەرشتی لێپرسراوی بنكە (ملازمی 2/ عەتید محەمەد) توانیان (4) سەرپێچیكار دەستگیر بكەن، كە سەرقاڵی ڕاوكردنی باڵندەی كێوی بوون.

ڕاشیگەیاندووە، توانرا دەست بگیرێت بەسەر (9) كەوی زیندو و (9) قەفەس و (10) دەستە دا و لەگەڵ (1) ماتۆڕسكیل و دواتر سەرجەم دەستگیركراوەكان و كەرەستەكانیان ڕووبەڕوی دادگا كرانەوە بۆ ڕێكاری یاسایی لەگەڵیان.

بەردەوام بە لە خوێندنەوە

ژینگە

كەشناسی پێشبینی بۆ كەشوهەوای سبەینێ‌ ڕاگەیاند

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم پێشبینی بۆ دۆخی كەشوهەوای سبەینێی بڵاوكردەوە و ئاماری ڕێژەی باران بارین-یشی ڕاگەیاند.

بەپێی پێشبینییەكانی كەشناسی هەرێم، سبەینێ دوو شەممە بەرزترین پلەی گەرما لە هەولێر 25 پلە و لە سلێمانی 22 پلە و لە دهۆك 18 پلە و لە كەركوكیش 26 پلە دەبێت و ئاسمانی سەرجەم شارەكانی هەرێمی كوردستانیش هەور و هەتاو دەبێت.

كەشناسی هەرێم بڕی باران بارینی لە 24 كاتژمێری ڕابردوو بڵاوكردەوە و بەپێی زانیارییەكان، زۆرترین بارانیش لە شاری چەمچەماڵی سەر بە پارێزگای سلێمانی بە بڕی 12.5 ملم باران باریوە.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان

دوایین