بانكی بازرگانی هەرێم ڕایدەگەیەنێت، سبەینێ فرۆشتنی دۆلار بە 132 هەزار دینار لە لقی پارێزگای هەولێر دەستپێدەكاتەوە و گەشتیاران دەتوانن لە رێگەی پڕكردنەوەی فۆڕمێكەوە داواكاری كڕینی دۆلار پێشكەش بكەن.
بانكی بازرگانی هەرێم لە ڕاگەیەنراوێكدا ئاماژەی بەوەكردووە، لقی پارێزگای هەولێری بانكەكەیان لە سبەینێوە دەستدەكاتەوە بە فرۆشتنی دۆلار بە گەشتیاران و هەر دۆلارێك بە 1320 دینار دەبێت.
ڕاشیگەیاندووە، بۆ داواكردنی دۆلار لە لقی بانكی بازرگانی هەرێم لە پارێزگای هەولێر پێویستە فۆرمێك پڕبكرێتەوە و سبەینێ فۆڕمەكە چالاك دەكرێت و گەشتیاران دەتوانن پڕیبكەنەوە، كە ڕۆژانە لە كاتژمێر ٨:٣٠ بەیانی بۆ كاتژمێر ٢:٠٠ دوای نیوەڕۆ دەبێت و لەدوای ئەو وادەیە هیچ داواكارییەك وەرناگیرێت.
ڕوونیشی كردۆتەوە، دوای پڕكردنەوەی فۆڕمەكە، گەشتیار كاتێكی گونجاوی بۆ دیاری دەكرێت تاوەكو سەردانی لقی پارێزگای هەولێر بكات و پێویستە بەڵگەنامەكانی وەك (پاسپۆرت، ڤیزای گەشتكردن، تكتی فڕۆكە)ی پێ بێت، بەڵام ئەوانەی دەچن بۆ عومرە، كە تكتی فرۆكەیان نییە داواكارییەكانیان بەبێ بوونی تكتی فڕۆكە قبوڵ دەكرێت.
