ئێوارەی ئەمڕۆ تەرمی منداڵێكی تەمەن 7 ساڵان گەیەندرایە نەخۆشخانەی فێركاری شەهیدانی قەڵادزێ، لێپرسراوی كارگێڕی نەخۆشخانەكە دەڵێت، منداڵەكە كوژراوە.
عوسمان ئەحمەد، لێپرسراوی كارگێڕی نەخۆشخانەی فێركاری شەهیدانی قەڵادزێ بە (خەڵك)ی ڕاگەیاند، كاتژمێر 6 ی ئێوارەی ئەمڕۆ تەرمی منداڵێك بە ناوی (ح.س.ع) گەیەندرایە نەخۆشخانە كە فیشەكێك بەر سەری كەوتبوو.
وتیشی، منداڵەكە تەمەنی 7 ساڵە و دانیشتووی گوندی گوڵانی سەر بە ناحیەی هەڵشۆیە لە قەزای پشدەر.
ئاماژەی بە ئەوەش كرد، بۆ لێكۆڵینەوەی زیاتر، تەرمی منداڵە كوژراوەكە ڕەوانەی پزیشكی دادوەری سلێمانی كرا.
