ڕزگاركردنی هاووڵاتییەك پاش 133 كاتژمێر مانەوە لەژێر داروپەردووی ڕووخاودا

  • 344 بینین

ڕزگاركردنی كچێكی گەنجی ٢٤ ساڵان لە ژێر داروپەردووی ڕووخاوی بالەخانەیەكدا لە قەزای ئەلبیستان كە چەقی یەكێك لە بوومەلەرزەكانە، فرمێسكی بە تیمەكانی گەڕان و رزگاركردن ڕشت.

دوای ئەو بوومەلەرزانەی پارێزگای مەڕەشیان هەژاند لە باكووری كوردستان كە بە كارەساتی سەدە ناسراوە، لە قەزای ئەلبیستان لە پاش ١٣٣ كاتژمێر مانەوە لە ژێر داروپەردووی ڕووخاوی بینایەكدا، كچێكی تەمەن ٢٤ ساڵان بەناوی مەلیسا ئولكو بە برینداری ڕزگار كرا.

دوای ئەو بوومەلەرزە بەهێزانەی بە گوڕی ٧،٧ و ٧،٦ پلە قەزاكانی پازارجیك و ئەلبیستانیان هەژاند، تیمەكانی گەڕان و رزگاركردن بەردەوامن لەسەر هەڵمەتەكانی گەڕان و رزگاركردنی ئەو كەسانەی كەوتوونەتە ژێر داروپەردووی رووخاوی بیناكان.
دوای تێپەڕبوونی ١٣٣ كاتژمێر بەسەر ڕوودانی بوومەلەرزەكەدا، تیمەكان هاووڵاتیی مەلیسا ئولكویان ڕزگار كرد و بە ئۆتۆمبێلی فریاكەوتن گواستیانەوە بۆ نەخۆشخانە.

تیمەكان لە پاش ڕزگاركردنی ئەو هاووڵاتییە فرمێسكی خۆشی و شادیان ڕشت.

 

لەسەر دزی و تاڵانی چەندین كەس دەستگیركران
پێشت لەسەر دزی و تاڵانی چەندین كەس دەستگیركران
ئەڵمانیا ئاسانكاری ڤیزا بۆ بەركەوتووانی بوومەلەرزە دەكات
دواتر ئەڵمانیا ئاسانكاری ڤیزا بۆ بەركەوتووانی بوومەلەرزە دەكات
پەیوەندیدار