رێژنە دێهاتی ژیانی هاوژینی پێکهێنا و دەڵێت، خێزان جوانترین و گەورەترین بەخششی خودایە .
رێژنە دێهاتی لە نووسینێکدا لە هەژماری تایبەتی خۆی لە تۆڕی کۆمەڵایەتی فەیسبووک بڵاویکردووەتەوە، ژیان پڕە لە هەوراز و نشێو ،هەموو کچ و کوڕێک هەر لەو ڕۆژەوە کە لەدایکدەبێ توشی چەندین تاقیکردنەوە دەبێتەوە ،بڕیارە سادە و گرینگەکانی ژیانی لەدەستی خۆیدایە، هاوڕێ و دایک و باب و چواردەورەکەی دێن و دەڕۆن و سەرقاڵی ژیانی خۆیانن.
دەشڵێت، وەلێ ئەو دەمەی بڕیاری هاوسەرگیری دەدەی دەبێ ئەوە بزانی تۆ هاوڕێی تەواوی ژیانت هەڵدەبژێری پێویستە ئەو بەرپرسیارێتیە گەورەیە بە هەموو بونتەوە قەبوڵبکەی و بە هەموو توانات هەوڵی دروستکردنی ماڵێکی ئارام خێزانێکی بەختەوەر بدەی.جیاوازیەکان لە خۆشەویستیدا و بڕیارەکان لە ڕاوێژدا کۆبکەیەوە .
رێژنە سوپاسی خێزانەکەی دەکات و دەشڵێت، سوپاس بۆ خودای گەورە سوپاس بۆ پاڵپشتی خێزانەکانمان سوپاس بۆ هەمووتان کە بە نامە و پیرۆزباییەکانتان دڵخۆشی و نزای خێر و هیوای ئاسودەیتان پێگەیاندین، خودا هەمووان بە ویستی دڵیان بگەیەنێ و چی خێری تێدایە بۆتان بێنێتە دی.
رێژنە دێهاتی خەڵکی گوندی گەڵاڵەی شارباژێڕ و براندێکی بۆ بەرهەمە خۆماڵییەکانی دامەزراندووە بە ناوی کیژی دێهات.
