ئێمە لە تۆرە کۆمەڵایەتیەکان

ناوخۆیی

یه‌كێتی تۆپی پێی كوردستان چه‌ند بڕیار و راسپارده‌یه‌كی نوێی ده‌ركرد

خه‌ڵک سپۆرت/ یه‌کێتی تۆپی پێی کوردستان

ئه‌مڕۆ شه‌ممه‌ 2018/6/23 به‌ ئاماده‌بوونی سه‌رۆك و جێگر و سه‌رجه‌م ئه‌ندامه‌كانی یه‌كێتی تۆپی پێی كوردستان، كۆبوونه‌وه‌ی ئاسایی خۆی به‌ست و چه‌ند بریاری راسپارده‌یه‌كی نوێی ده‌ركرد، كه‌ ئه‌مانه‌ی خواره‌وه‌ن:

1- ئاگاداری كۆتایی بۆ یانه‌ی برایه‌تی، كه‌ پێویسته‌ به‌ نـووسراوی فه‌رمی داوای لێبوردن له‌ یه‌كێتییه‌كه‌مان بكات، بە پێچەوانەوە لە کۆبوونەوەی داهاتوو، یەکێتییەکەمان سەرپشکە لە هەر بڕیارێک بەرامبەر یانەی برایەتی دەیدات و خۆشیان بەرپرسیار دەبن، ئه‌مه‌یش به‌ هۆی ئاماده‌نه‌بوونیان له‌ مه‌راسیمی رێزلێنانی خولی نایابی كوردستان بۆ وه‌رزی 2017/2018 له‌ شاری دهۆك، سه‌رباری ئاماده‌كردنی ته‌واوی پێداویستی میوانداریی كردنی یانه‌ی برایه‌تی، به‌ڵام به‌بێ هۆ و به‌بێ ئاگاداری یه‌كێتییه‌كه‌مان ئاماده‌نه‌بوون.

2- سه‌رجه‌م یارییه‌كانی قۆناخی كۆتایی خولی نایابی تازه‌پێگه‌یشتووانی كوردستان، له‌ رۆژی سێشه‌ممه‌ 2018/7/3 له‌ شاری زاخۆ به‌ به‌شداری یانه‌كانی (زاخۆ، پێشمه‌رگه‌ی سلێمانی، هه‌ولێر و پێشمه‌رگه‌ی هه‌ولێر)، ئه‌نجام ده‌درێت.

3- یاری كۆتایی خولی یانه‌ پله‌دووه‌كانی كوردستان له‌ رۆژی شه‌ممه‌ 2018/6/30 له‌ یاریگه‌ی رزگاری له‌ كاتژمێر 4:30 ـی ئێواره‌، له‌ نێوان هه‌ردوو یانه‌ی (ئاسۆ و رزگاری) ئه‌نجام ده‌درێت.

4- یارییه‌كانی پاڵه‌وانیه‌تی هه‌ڵبژارده‌ی پارێزگاكانی كوردستان بۆ ئاستی لاوان، له‌ رۆژی چوارشه‌ممه‌ 2018/7/25 له‌ شاری سلێمانی ئه‌نجام ده‌درێت.

5- یارییه‌كانی پاڵه‌وانیه‌تی هه‌ڵبژارده‌ی پارێزگاكانی كوردستان بۆ یاری فوتساڵی كچان، رۆژی یه‌كشه‌ممه‌ 2018/8/5 له‌ شاری دهۆك ئه‌نجام ده‌درێت.

6- یارییه‌كانی پاڵه‌وانیه‌تی هه‌ڵبژارده‌ی پارێزگاكانی كوردستان بۆ ئاستی تازه‌پێگه‌یشتووان، له‌ رۆژی یه‌كشه‌ممه‌ 2018/8/12 له‌ شاری هه‌ولێر – شەقڵاوە ئه‌نجام ده‌درێت.

7- یارییه‌كانی قۆناخی كۆتایی خولی قوتابخانه‌كانی تۆپی پێی كوردستان، له‌ رۆژی هه‌ینی 2018/7/20 له‌ هه‌ردوو شاری هه‌ولێر و سلێمانی ئه‌نجام ده‌درێت، تیپه‌ سه‌ركه‌وتووه‌كان به‌سه‌ر دوو كۆمه‌ڵه‌ دابه‌شكراون به‌مشێوه‌ی خواره‌وه‌:

* گرووپی یه‌كه‌م هه‌ولێر: (یانه‌ی كه‌یوان، یانه‌ی نیشتیمان، یانه‌ی گاره‌، یانه‌ی زانكۆی جیهان، ناوه‌ندی به‌حركه‌، یانه‌ی رانیه‌ و ناوه‌ندی قه‌ڵادزێ).

* گرووپی دووه‌م سلێمانی: (یانه‌ی ده‌ربه‌ندیخان، یانه‌ی هه‌ڵه‌بجه‌ی شه‌هید، یانه‌ی ئاشتی، یانه‌ی خاك، یانه‌ی پێشمه‌رگه‌ی سلێمانی، ناوه‌ندی ده‌ربه‌ندیخان و یانه‌ی په‌یام).

ناوخۆیی

کاپتنی هه‌ڵبژارده‌ی عیراق له‌ ئینستاگرامه‌وه‌ په‌یامێکی توندی ئاڕاسته‌ی کاتانیچ کرد !

خه‌ڵک سپۆرت

سه‌عد عه‌بد ئه‌ل ئه‌میری ئه‌ستێره‌ی هه‌ڵبژارده‌ی عیراق وکاپیتانۆی پێکهاته‌که‌ بۆ کۆتا دوو ڕووبه‌ڕوبونه‌وه‌ی تاقیکاری بانگهێشت نه‌کراوه‌ و ئه‌وه‌ش توڕه‌یی یاریزانه‌که‌ی گه‌یاندۆته‌ ترۆپک.

سریچکۆ کاتانیچی ڕاهێنه‌ری سلۆڤینی هه‌ڵبژارده‌ی “شێره‌کانی ڕافیده‌ین” ناوی ٢٨ یاریزانی بۆ ڕووبه‌روبونه‌وه‌ دۆستانه‌کانی چین و فه‌له‌ستین ده‌ستنیشان کردووه‌، دواتریش ئه‌و ژماره‌یه‌ بۆ (٢٣ یاریزان) که‌م ده‌کرێنه‌وه‌ و کاریان له‌سه‌ر ده‌کات بۆ جامی ئاسیای ٢٠١٩، سه‌یر له‌وه‌دایه‌ ڕاهێنه‌ره‌که‌ سه‌عد عه‌بد ئه‌ل ئه‌میری کاپتنی پێشوی بانگهێشت نه‌کردووه‌، واتا ناوبراو ناتوانێت به‌شداری ئاسیای ٢٠١٩ بکات.

ئه‌م بڕیاره‌ی ڕاهێنه‌ر توڕه‌یی یاریزانه‌ ٢٦ ساڵه‌که‌ی یانه‌ی شورته‌ی گه‌یاندۆته‌ ترۆپک،‌ له‌ تۆڕی کۆمه‌ڵایه‌تی ئینستاگرامه‌وه‌ پۆستێکی کردووه‌ و نوسیویه‌تی: مێژوویه‌کی پاک، به‌ پۆخڵێک ناشاردرێته‌وه‌، چاوه‌ڕوانیش ده‌کرێت به‌هۆی ئه‌م په‌یامه‌ تونده‌وه‌ کێشه‌ به‌ته‌واوی بکه‌وێته‌ نێوان یاریزانه‌که‌ و ڕاهێنه‌ری نوێ.

سه‌عد عه‌بد ئه‌ل ئه‌میر له‌ڕووبه‌ڕوبونه‌وه‌ی پاڵه‌وانێتی چواری سعودی به‌رامبه‌ر هه‌ڵبژارده‌ی ئه‌رجه‌نتین دووچاری پێکان هات ومانگێک له‌یاریی کردن دابڕا، دواتر گه‌ڕایه‌وه‌ و به‌درێسی شورته‌وه‌ به‌شداری چالاکیه‌کانی ئه‌م وه‌رزه‌ی کرد، هه‌ندێک له‌ میدیا و ڕۆژنامه‌نوسان پێیان وایه‌ له‌دوای ئه‌و پێکانه‌ ئاستی دابه‌زیوه‌ بۆیه‌ ڕاهێنه‌ر بانگهێشتی نه‌کردووه‌.

بەردەوام بە لە خوێندنەوە

ناوخۆیی

٢٠٠٧ دووباره‌ ده‌که‌نه‌وه‌‌؟ ڕاهێنه‌ری عیراق هێرشبه‌ری زۆره‌ و به‌ده‌ست نه‌بونی “مایسترۆ”وه‌ ده‌ناڵێنێت !

خه‌ڵک سپۆرت

هانده‌رانی تۆپی پێی عیراق هیوا ده‌خوازن له‌ پاڵه‌وانێتی ئاسیای داهاتودا که‌ بڕیاره‌ له‌ ئیمارات ئه‌نجام بدرێت ئه‌نجامێکی گه‌وره‌ هاوشێوه‌ی ئاسیای ٢٠٠٧ به‌ده‌ست بهێنن، به‌ڵام پێکهاته‌ی سه‌رده‌می نوێ هاوشێوه‌ی سه‌رده‌می ڕابردو نییه‌.

ماڵپه‌ڕی “کوره‌” ئاشکرای کردووه‌، سریچکۆ کاتانیچی ڕاهێنه‌ری نوێی “شێره‌کانی ڕافیده‌ین” له‌ئێستادا خاوه‌نی چه‌ندین هێرشبه‌ری به‌توانای وه‌ک موهه‌نه‌د عه‌لی (میمی) هێرشبه‌ری یانه‌ی شورته‌ و موحه‌مه‌د داودی هێرشبه‌ری نه‌فته‌ که‌ وه‌ک باشترین یاریزانی هه‌ڵکوتوی ئاسیا بۆ ساڵی ٢٠١٦ ده‌ستنیشانکراوه‌، ئه‌م دوو گه‌وهه‌ره‌ نوێیه‌ش چانسی ئه‌وه‌یان هه‌یه‌ جێگه‌ی یونس مه‌حمودی ناسراو به‌ (السفاح) پڕ بکه‌نه‌وه‌.

سه‌رچاوه‌که‌ جه‌خت ده‌کاته‌وه‌، ئه‌وه‌ی سه‌ری کاتانیچی ڕاهێنه‌ری قاڵ کردووه‌ پێگه‌ی ناوه‌ندسازی مایسترۆیه‌ که‌ پێشتر پێگه‌ی نه‌شئه‌ت ئه‌کره‌م بووه‌.

سه‌رباری بونی چه‌ندین ئه‌ستێره‌ی وه‌ک حسێن عه‌لی یاریزانی یانه‌ی قه‌ته‌ری قه‌ته‌ری و مه‌هدی کاملی ئه‌ستێره‌ی یانه‌ی شورته‌، به‌ڵام ئه‌م دوو لاوه‌ هه‌رگیز توانای پڕکردنه‌وه‌ی که‌لێنی نه‌شئه‌تیان نییه‌ که‌ له‌ساڵی ٢٠٠٧ یه‌کێک بووه‌ له‌ باشترینه‌کانی کیشوه‌ری ئاسیا، ئه‌مه‌ له‌کاتێکدایه‌ که‌ جه‌ستن میرام به‌شداریکردنی یه‌کلایی بۆته‌وه‌، به‌ڵام له‌م پێگه‌یه‌شدا عه‌لی حه‌سنی و هومام تاریق و به‌شار ڕوسن ده‌توانن پێگه‌که‌ی پڕ بکه‌نه‌وه‌.

کێشه‌ی هه‌ڵبژارده‌ی شێره‌کانی ڕافیده‌ین ته‌نها له‌ پێگه‌ی ناوه‌ندی یاریگادا نییه‌، به‌ڵکو باڵه‌کانی به‌رگریش به‌هه‌مان شێوه‌ کێشه‌ی بۆ ڕاهێنه‌ره‌که‌ دروست کردووه‌.

تائێستا کاتانیچ چه‌ندین ناوی بانگهێشت کردووه‌ و سوره‌ له‌سه‌ر تاقیکردنه‌وه‌ی تواناکان، به‌ڵام له‌گه‌ڵ ئه‌وه‌شدا هیچکام له‌ بانگهێشتکراوان نه‌یانتوانیوه‌ پێگه‌که‌یان مسۆگه‌ر بکه‌ن، بۆیه‌ هه‌موو هیواکان به‌ڕووبه‌ڕوبونه‌وه‌کانی داهاتودا هه‌ڵواسراون به‌رامبه‌ر هه‌ڵبژارده‌کانی فه‌له‌ستین و چین تا بتوانن به‌شێوه‌یه‌کی یه‌کجاره‌کی پێگه‌ بۆشه‌کان پڕ بکه‌نه‌وه‌.

بەردەوام بە لە خوێندنەوە

ناوخۆیی

یه‌كێتی تۆپی پێی كوردستان چه‌ند بڕیاری و راسپارده‌یه‌كی نوێی ده‌ركرد

خەڵک سپۆرت – یەکێتی تۆپی پێی کوردستان

ئه‌مڕۆ شه‌ممه‌ 2018/12/8 به‌ ئاماده‌بوونی سه‌رۆك و جێگر و سه‌رجه‌م ئه‌ندامه‌كانی یه‌كێتی تۆپی پێی كوردستان چه‌ند بڕیار و راسپارده‌یه‌كی نوێی ده‌ركرد، كه‌ ئه‌مانه‌ی خواره‌وه‌ بوون:

1- پێویسته‌ له‌سه‌ر سه‌رجه‌م یانه‌كانی كوردستان شوێنی تایبه‌ت و شیاو له‌ یاریگه‌كانیان بۆ رۆژنامه‌نووسانی وه‌رزشی و فۆتۆگرافه‌ری ڤیدیۆیی كه‌ناڵه‌كان دابین بكه‌ن، چونكه‌ به‌ هیچ شێوه‌یه‌ك رێگه‌ نادرێت فۆتۆگرافه‌رانی ڤیدیۆیی له‌ نێو یاریگه‌ وێنه‌ بگرن، ته‌نیا پێش ده‌ستپێكردنی یاری ده‌توانن بێنه‌ نێو یاریگه‌، له‌گه‌ڵ ده‌ستپێكی یاری ده‌بێ بچنه‌ ده‌ره‌وه‌ و دوای كۆتایی هاتنی یارییه‌كه‌یش ده‌توانن له‌ نێو یاریگه‌ رووماڵ و لێدوانی خۆیان له‌ یاریزانان و راهێنه‌ران وه‌ربگرن. هه‌روه‌ها فۆتۆگرافه‌رانیش ته‌نیا بۆیان هه‌یه‌ له‌ پشت گۆڵه‌كان وێنه‌ی خۆیان بگرن، به‌ مه‌رجێك باجی تایبه‌تی یه‌كێتییه‌كه‌مانی هه‌بێت.

2- هیچ ده‌زگه‌یه‌كی راگه‌یاندن بۆی نییه‌ له‌ نێو یاریگه‌ له‌ كاتی یاری خه‌ڵاتی ستافی هونه‌ری و یاریزانان بكات، به‌ڵام پێش ده‌ستپێكردنی یاری ده‌توانن به‌ مه‌رجێك به‌ نووسراوی فه‌رمی یه‌كێتییه‌كه‌مان لێی ئاگادار بكرێته‌وه‌، ئه‌وه‌یش پێش ده‌ستپێكی كۆبوونه‌وه‌ی ئاسایی یه‌كێتییه‌كه‌مان.

3- هه‌ر راهێنه‌رێك یان یاریزانێك له‌ خوله‌كانی كوردستان لێدوان بۆ ده‌زگه‌كانی راگه‌یاندن له‌سه‌ر ستافی ناوبژیوانانی یاری بدات، به‌ بڕی 300000 سێ سه‌د هه‌زار دینار غه‌رامه‌ ده‌كرێت.

4- به‌ هۆی رووداوه‌كانی یاری نێوان دهۆك و زاخۆ له‌ گه‌ری حه‌وته‌می خولی نایابی كوردستان، دوای ئه‌وه‌ی لێژنه‌ی رێكاری، كه‌ به‌رێزان (هادی كه‌ریم، سه‌لام حوسێن و ئه‌حمه‌د عه‌بدوڵڵا) پێكهاتبوون، دوای گفتوگۆ له‌سه‌ر رووداوه‌كان بڕیاردرا به‌:
• سێ یاری داهاتووی یانه‌ی زاخۆ له‌ خولی نایابی كوردستان به‌ بێ ئاماده‌بوونی هانده‌رانیان له‌ نێو یاریگه‌ی خۆیان ئه‌نجام ده‌درێت.
• غه‌رامه‌كردنی یانه‌ی زاخۆ به‌ بڕی 3000000 سێ ملیۆن دینار بۆ چاككردنه‌وه‌ی كورسییه‌ شكاوه‌كانی یاریگه‌ی یانه‌ی دهۆك، پێویسته‌ پاره‌كه‌یش راده‌ستی ژمێریاری یه‌كێتیه‌كه‌مان بكرێت.
• له‌ داهاتوو یارییه‌كانی هه‌ردوو یانه‌ی زاخۆ و دهۆك له‌ خولی نایابی كوردستان، له‌ یاریگه‌ی هه‌ردوو یانه‌ ئه‌نجام نادرێت، به‌ڵكو یاری نێوانیان له‌ یاریگه‌یه‌ك ئه‌نجام ده‌درێت، كه‌ یه‌كێتی تۆپی پێی كوردستان ده‌ستنیشانی ده‌كات و، هانده‌رانی هه‌ردوو یانه‌یش ئاماده‌ی یارییه‌كه‌ نابن.
• ئاگاداری كۆتایی یانه‌ی زاخۆ ده‌كه‌ینه‌وه‌، له‌ ئه‌گه‌ری دووباره‌ بوونه‌وه‌ی ئه‌م جۆره‌ ره‌فتارانه‌ی هانده‌رانی یانه‌كه‌یان تووشی سزای توندتر ده‌بن.
• پێویسته‌ له‌سه‌ر ده‌سته‌ی كارگێری یانه‌ی زاخۆ كار بكات له‌سه‌ر هێور كردنه‌وه‌ی هانده‌رانیان و، ده‌سته‌ی هانده‌رانیان رووێكی جوانی شارستانی زاخۆ پیشان بده‌ن.

5- له‌ یاری نێوان زاخۆ و پێشمه‌رگه‌ی هه‌ولێر له‌ گه‌ری هه‌شته‌می خولی نایابی كوردستان، به‌ هۆی هێرشكردن و جنێودان له‌ لایه‌ن راهێنه‌ری گۆڵپارێزانی یانه‌ی زاخۆ (نزار عه‌بدولعه‌زیز) بریاردرا به‌:
• یاوه‌ری نه‌كردنی ناوبراو له‌ یاری داهاتووی یانه‌كه‌ی.
• غه‌رامه‌كردنی ناوبراو به‌ بڕی 250000 دوو سه‌د و په‌نجا هه‌زار دینار.
• پێویسته‌ ناوبراو رۆژی شه‌ممه‌ 2018/12/15 له‌ كاتژمێر 12:00 ـی نیوه‌ڕۆ له‌ باره‌گه‌ی یه‌كێتییه‌كه‌مان ئاماده‌بێت.

6- له‌ یاری نێوان زاخۆ و پێشمه‌رگه‌ی هه‌ولێر له‌ گه‌ری هه‌شته‌می خولی نایابی كوردستان، به‌ هۆی ده‌ركردن له‌ یاری هێرشكردن و جنێودان له‌ لایه‌ن یاریزانی یانه‌ی زاخۆ (دلۆڤان ساڵح) ژماره‌ (16) بریاردرا به‌:
• راگرتنی ناوبراو بۆ دوو یاری.
• غه‌رامه‌كردنی ناوبراو به‌ بڕی 150000 سه‌د و په‌نجا هه‌زار دینار.
• پێویسته‌ ناوبراو رۆژی شه‌ممه‌ 2018/12/15 له‌ كاتژمێر 12:00 ـی نیوه‌ڕۆ له‌ باره‌گه‌ی یه‌كێتییه‌كه‌مان ئاماده‌بێت.

7- ئاگاداری سه‌رجه‌م سه‌رپه‌رشتیارانی یاری و ستافی ناوبژیوانان ده‌كه‌ینه‌وه‌، به‌ هۆی خراپی كه‌ش و هه‌وا و باران بارین، پێویسته‌ 2:30 دوو كاتژمێر و نیو پێش ده‌ستپێكردنی یارییه‌كان له‌ نێو یاریگه‌ ئاماده‌بن.

8- له‌ یاری نێوان كفری و ئاسۆ له‌ گه‌ری سێیه‌می خولی پله‌یه‌كی كوردستان، به‌ هۆی هێرشكردن و جونێودان له‌ لایه‌ن یاریزانی یانه‌ی ئاسۆ (عومه‌ر شه‌ماڵ) ژماره‌ (27) بریاردرا به‌:
• راگرتنی ناوبراو بۆ یه‌ك یاری.
• غه‌رامه‌كردنی ناوبراو به‌ بڕی 150000 سه‌د و په‌نجا هه‌زار دینار.
• پێویسته‌ ناوبراو رۆژی شه‌ممه‌ 2018/12/15 له‌ كاتژمێر 12:00 ـی نیوه‌ڕۆ له‌ باره‌گه‌ی یه‌كێتییه‌كه‌مان ئاماده‌بێت.

9- له‌ یاری نێوان كۆیه‌ و هه‌ڵۆ له‌ گه‌ری سێیه‌می خولی پله‌یه‌كی كوردستان، به‌ هۆی چوونه‌ ژووره‌وه‌ی پزیشكی یانه‌ی كۆیه‌ (فه‌رهاد محه‌ممه‌د) بۆ نێو یاریگه‌ بێ ره‌زامه‌ندی ناوبژیوانی یاری و ده‌ركردنی له‌ نێو یاریگه‌، بڕیاردرا به‌ غه‌رامه‌كردنی ناوبراو به‌ بڕی 250000 دوو سه‌د و په‌نجا هه‌زار دینار.

10- ئاگاداری كۆتایی بۆ یانه‌ی رزگاری، كه‌ پێویسته‌ به‌ شێوه‌یه‌كی جوان كۆنتڕۆڵی یاریگه‌ و جه‌ماوه‌ره‌كه‌یان بكه‌ن، به‌ تایبه‌ت له‌ به‌كارنه‌هێنانی بڵندگۆ و فڕێدان و به‌كارهێنانی یاری ئاگرین، به‌ پێچه‌وانه‌وه‌ تووشی سزای تووند ده‌بن.

11- به‌ هیچ شێوه‌یه‌ك بڵندگۆ له‌ كاتی یاری خوله‌كانی كوردستان نابێ به‌كاربهێنرێت و قه‌ده‌غه‌یه‌، له‌ هه‌ر یارییه‌ك بڵندگۆ له‌ لایه‌ن هانده‌رانی هه‌ر یانه‌یه‌ك به‌كاربهێنرێت، یانه‌كه‌ به‌ بڕی 500000 پێنج سه‌د هه‌زار دینار غه‌رامه‌ ده‌كرێت.

12- ئاگاداری كۆتایی بۆ یانه‌ی سه‌یدسادق، كه‌ پێویسته‌ شوێنی جلگۆرینی ناوبژیوانان و سه‌رپه‌رشتیاری یاری و توالێته‌كانیان به‌ شێوه‌یه‌كی پاك و خاوێن رێك بخه‌ن و ئاماده‌ی بكه‌ن.

13- له‌ یاری نێوان سۆران و شێخان له‌ گه‌ری سێیه‌می خولی پله‌یه‌كی كوردستان، به‌ هۆی ناڕه‌زایی له‌ بڕیاری ناوبژیوان و چوونه‌ ده‌ره‌وه‌ی یانه‌ی شێخان له‌ خوله‌كی 85 ـی یارییه‌كه‌، بڕیاردرا به‌ هه‌ژماركردنی ئه‌نجامی یارییه‌كه‌ بۆ یانه‌ی سۆران به‌ ئه‌نجامی (3-0) گۆڵ.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 86%, 31 دەنگ دان
    31 دەنگ دان 86%
    31 دەنگ دان - 86% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 6%, 2
    2 6%
    2 - 6% هەموو دەنگەکان

کوردستان

دوایین