بەیانی ئەمڕۆ ڕووسیا، هێرشی مووشەكی كردەسەر سەرانسەری ئۆكراین كە كەرتی وزەی ئەو وڵاتەی گرتەوە.
بەرپرسانی شاری كیێڤی پایتەخت ڕایانگەیاند مووشەكی كرۆز لە كیێڤ كەوتوونە خوارەوە، لێكۆڵینەوە دەكەن لە زیانەكانی.
بەرپرسان لە شاری دنیپرۆ و ئۆدیسای باشووری ئۆكراین لەسەر دەریای ڕەش ڕایانگەیاند ئەو شارانەش مووشەكباران كراون.
فەرمانڕەوای هەرێمی ئۆدیسا دەڵێت مووشەكبارانەكەی ڕووسیا باشووری وڵاتكەی گرتەوە بۆ یەكەمجار لە ماوەی چەند هەفتەیەكدا.
ماكسیم مارشینكۆ ڕایگەیاند، هێرشەكەی بەیانی ئەمڕۆ پێنج شەممە ژێرخانی بە ئامانجگرتووە.
