لە چوارچێوەی ڕێککەوتنی ئاگربەستی غەززەدا، ئیسرائیل 90 فەڵەستینی ئازاد کرد و بە کەسوکاریان شادبوونەوە.
بەرەبەیانی ئەمڕۆ دووشەممە، 90 زیندانیی فەڵەستینی لە چوارچێوەی ڕێککەوتنی ئاگربەستی نێوان ئیسرائیل و حەماس، ئازادکران کە بە پێی میدیای فەڵەستین سەرجەمیان ژن و منداڵن.
بەر لە ئازادکردنیشیان، ئیسرائیل زیندانییەکانی گواستەوە بۆ گرتووخانەی عۆفەر لە کەناری ڕۆژئاوا.
میدیای ئیسیرائیل بڵاویکردەوە کە ھەزار و 500 کارمەندی ئەمنی ئیسرائیل لە پڕۆسەی گواستنەوەی زیندانییەکان لە گرتووخانەکانی ئیسرائیلەوە بۆ گرتووخانەی عۆفەر، بەشداربوون.
ئەمەش دوای ئەوە هات کە دوێنێ بزووتنەوەی حەماس سێ ژنی بە بارمتەکراوی ئیسرائیلی لە چوارچێوەی ڕێککەوتنی ئاگربەستدا ئازادکرد.
هەر دوێنێ دوابەدوای دەستپێکردنی ئاگربەست، دەیان ئۆتۆمبێلی بارهەڵگر بە هاوکاریی مرۆییەوە گەیشتنە غەززە و بڕیارە قۆناغی یەەکمی ئاگربەستەکەش 42 ڕۆژ بەردەوام بێت.
