دوای ئەوەی لە چەند رۆژی رابردوودا نرخی نەوت گەیشتە نزمترین ئاستی لە ماوەی سێ ساڵی رابردوودا، ئێستا دەستی بە بەرزبوونەوە کردووە.
ئەمڕۆ هەینی، نرخی بەرمیلێک نەوتی خاوی برێنت بە ٧٢ دۆلار و ٣٨ سەنت مامەڵەی پێوە دەکرێت و بەراورد بە چەند رۆژی رابردوو، نرخی هەر بەرمیلێک، نزیکەی یەک دۆلار و ٢٨ سەنت بەرز بووەتەوە.
هەروەها نرخی یەک بەرمیل نەوتی رۆژئاوای تێکساس بە ٦٩ دۆلار و ٤٥ سەنت مامەڵەی پێوە دەکرێت و بەراورد بە چەند رۆژی رابردوو، بە هەمان شێوە نزیکەی دوو دۆلار لە نرخەکەی زیادی کردووە.
