هاتووچۆی سلێمانی بڕیاری لێخۆشبوونی 20٪ بۆ قەرزی سەرپێچی هاتووچۆ تا کۆتایی مانگی ئەیلول دریژکردەوە.
بەڕێوەبەرایەتی هاتووچۆی سلێمانی لە بڵاوکراوەیەکدا ڕایگەیاند، ئاماژە بە بڕیاری ژمارە ٢٤٨ لە ٢٧/٣/٢٠٢٤ ی ئەنجوومەنی وەزیران، سەرجەم شۆفێران ئاگادار دەکەنەوە لێخۆشبوون بەڕێژەی ٢٠٪ ی سزاکانی کۆن و بەردەوامی هاتووچۆ تاوەکو ٣٠/٩/٢٠٢٤ بەردەوام دەبێت.
ئەمە لەکاتێکدایە پێشتر فەرمانگەی میدیا و زانیاری حکومەتی هەرێمی کوردستان بڵاویکردبووەوە، بڕیاری لێخۆشبوونی 20٪ی قەرز و پێبژاردنی سزاکانی هاتووچۆی هاووڵاتیان، تاوەکو رۆژی 28ی شوباتی 2024 بەردەوام دەبێت، و ئەمڕۆش تاوەکو 30 ئەیلول درێژکرایەوە.
