دابەشکردنی مووچەی مانگی ئایار بەردەوامە و ئەمڕۆ چەند وەزارەت و بەڕێوەبەرایەتییەک مووچە وەردەگرن.
بەپێی ئەو خشتەیەی کە وەزارەتی دارایی و ئابووریی هەرێم بڵاویکردووەتەوە، ئەمڕۆ چوارشەممە مووچەی وەزارەتەکانی (پەروەردە، داد، ئەوقاف و کاروباری ئایینی، بازرگانی و پیشەسازی، سامانە سروشتییەکان، گواستنەوە و گەیاندن، کشتوکاڵ و سەرچاوەکانی ئاو) دابەشدەکرێت.
بەپێی هەمان لیست هەر ئەمڕۆ مووچەی (ئەنجومەنی دادوەری و کاروباری شەهیدان و ئەنفالکراوان)، بۆ مانگی ئایار دابەشدەکرێت.
ئەمەش لە کاتێکدایە، تا ئێستا خشتەی دابەشکردنی مووچەی مانگی نیسان و ئایاری هێزەئەمنییەکان بڵاونەکراوەتەوە، دیار نییە کەی مووچەکانیان وەردەگرن.
