هاوکات لەگەڵ بەردەوامبوونی ئاڵۆزییەکانی دەریای سوور، بەرزبوونەوەی نرخی نەوت لە بازاڕەکانی جیهاندا بەردەوامە.
ئەمڕۆ هەینی نرخی بەرمیلێک نەوتی خاوی برێنت لە بازاڕەکانی جیهاندا گەیشتە 85 دۆلار و پێنج سەنت.
هاوکات نرخی بەرمیلێک نەوتی خاوی ئەمریکیش بۆ 80 دۆلار و 83 سەنت بەرز بووەوە.
هەڵکشانی نرخی نەوت هاوکاتە لەگەڵ بەردەوامبوونی هێرشەکانی حووسییەکان بۆ سەر ئەو کەشتییانەی لە دەریای سووردا هاتووچۆ دەکەن و ئەمڕۆش عەبدولمەلیک حووسی، سەرۆکی حووسییەکان ڕایگەیاند لە مانگی تشرینی یەکەمی 2023ەوە هێرشیان کردووەتە سەر 73 کەشتی ئیسرائیل، ئەمریکا و بەریتانیا.
