ئەمڕۆ هەینی 23/2/2024 ، بەهاى لیرەى تورکى لە بازاڕەکانى جیهاندا بەرامبەر دۆلاری ئەمریکی دابەزینی نوێی تۆمارکرد، بەجۆرێک لە ئێستادا هەر 100 دۆلارێکى ئەمریکى بەرامبەرە بە سێ هەزار و 109 لیرەى تورکى مامەڵەی پێوەدەکرێت.
لە مێژووی دراوی تورکییدا، ئەمە جاری یەکەمە دابەزینی بەم شێوەیە بەخۆیەوە دەبینێت، لە ماوەکانى ڕابردووشدا بانكی ناوەندی توركیا چەندین ڕێكارییان بە مەبەستى ڕێگەگرتن لە دابەزینی زیاتری بەهای لیرە گرتەبەر، بەڵام ڕۆژ لە دوای ڕۆژ لیرە زیاتر بەهاكەی خۆی لەدەست دەدات.
جێگەى ئاماژەیە، ڕۆژى ٢ـی ئەم مانگە حافیزە گەیە ئەرکان، پارێزگاری بانکی ناوەندی تورکیا بەهۆى دابەزینە بەردەوامەکانى لیرەى تورکى بەرامبەر دۆلار دەستى لەکارکێشایەوە.
هاوکات لەماوەکانی ڕابردوشدا، بانکی ناوەندی تورکیا ڕێژەی سوودی بانکی چەندجارێک بەرزکردەوە بۆ ڕێگریکردن لە هەڵئاوسان لە وڵاتیدا، بەڵام هەنگاوەکان سەرکەوتوو نەبوون و بەهای لیرە ڕۆژ لەدوای ڕۆژ بەردەوامە لە دابەزین.
