بە تۆمەتی دزینی پارەو زێڕ لە ماڵێک لە پڕۆژەیەکی نیشتەجێبوون، پۆلیسی نەهێشتنی تاوان دوو کەسی دەستگیر کرد.
بەڕێوەبەرایەتی پۆلیسی سلێمانی لە ڕاگەیەندراوێکدا ئاشکرای کرد: دوای ئەوەی دوو هاووڵاتی سكاڵایان تۆماركرد كە لەیەكێك لە پڕۆژە نیشتەجێبووەكانی شاری سلێمانی پارەو ئاڵتوونیان لێدزراوە، هێزەكانی پۆلیس لێكۆڵینەوە و بەدواداچوونەكانیان دەستپێكرد.
ئەوەشی وتووە: دوای وەرگرتنی بڕیاری دادوەر توانرا لە لایەن مەفرەزەكانی نووسینگەی نەهێشتنی تاوانی كوردساتەوە تۆمەتباران بدۆزرێنەوە و دەستگیربكرێن، لە كاتی دەستگیركردنیشیاندا دەستگیرا بەسەر بڕێك دۆلاری ئەمریكی و ئاڵتوندا.
باسی لەوەشکردووە: لە ئێستادا هەریەك لە تۆمەتباران (أ، ع، ع لە دایكبووی 2003 – أ، ع، ع لە دایكبووی 2006) بەبڕیاری دادوەرو بەپێی ماددەی 443 لە یاسای سزادانی عێراقی ڕاگیراون.
