باران بارین دەست پێدەکاتەوە

درەنگانی ئەمشەو لە کاتژمێر 12 بەدواوە بارانبارین سەرجەم ناوچەکانی پارێزگای دهۆک و ئیدارەی سۆران و تەواوی پارێزگای هەولێر و کەرکووک دەگرێتەوە.

ئەمشەو پێنجشەممە هەڤاڵ سەدیق گەڵۆزی، شارەزای بواری کەشناسی بڵاوی کردەوە: “ئێستا هەوری کەڵەکەبووی چڕی باراناوی داخیل بە ناوچەکانی پارێزگای موسڵ و ڕۆژئاوای عێراق و ئیدارەی زاخۆ ناوچەکانی باکووری پارێزگای دهۆک بووە و لە هەندێ ناوچە بارانبارین دەستیپێکردووە.”
ئەوەشی خستووەتە روو: ” سەرەتای بارانبارینەکەش بە نمەباران دەستپێدەکات، لە کاتەکانی بەرەبەیان بۆ خۆرهەڵاتن بەدواوە کاریگەری شەپۆلەکە فراوانتر دەبێت ناوچەکانی پارێزگای سلێمانی و هەڵەبجە و ئیدارەی ڕاپەڕین و گەرمیان دەگرێتەوه لە دوای نیوەڕۆش بە دواوە لە ڕۆژی هەینی بارانی سەرتاسەری سەرجەم ناوچە جیاوازەکانی هەرەمی کوردستان دەگرێتەوە.”
روونیشی کردووەتەوە: “لە کاتەکانی نیوەڕۆ بەدواوە بۆ درەنگانی شەوی شەممە خێرایی با بەشێوەیەکی بەرچاو لەسەرجەم ناوچەکانی زیادەکات بەهۆێ بەیەکگەیشتنی دووبارسته هەوا یەکێکیان سارد و ئەوەی تریان گەرم و شێدار ئەگەری چالاکبوونی هەورەبرووسکە و تاوەبارانی بەخووڕ و تەرزە هەیە.”