هاتووچۆی گەرمیان رایگەیاند، لەسەر ڕێگای کەلار ـ ڕزگاری بەهۆی ڕووداوێکی هاتوچۆوە کەسێک برینداربوو، هیچ ناسنامەیەکی پێ نییە و ناناسرێتەوە.
لە راگەیەندراوێکدا بەڕێوەبەرایەتییەکە بڵاویکردووەتەوە، کەمێک پێش ئێستا لەسەر پردی نێوان کەلار ـ ڕزگاری ماتۆڕ سوارێک بەخێراییەکی زۆر بەئاراستەی ڕزگاری ڕۆیشتووە خۆی کێشاوە بە بەربەستی سەر پردەکەدا بەهۆیەوە لێخوڕەکەی برینداربوو.
دەشڵێت:”بریندارەکە گواستراوەتەوە بۆ نەخۆشخانەی فریاکەوتنی شەهید هەژار لەکەلار و لەدۆخی بێهۆشیدایە و هیچ ناسنامەیەکی هەڵنەگرتوە و ناناسرێتەوە، تاکو ئێستاش کەس و کاری سەردانی نەخۆشخانەیان نەکردوە، سەبارەت بەشێواز و چۆنیەتی ڕوداوەکە لێکۆڵینەوە لەلایەن تیمی هاتووچۆوە دەستی پێکردووە”.
