ئێمە لە تۆرە کۆمەڵایەتیەکان

جیهان

ئەمریكا كەشتی جەنگی و مارێنز بەرەو سوریا رەوانە دەكات

خەڵك- بەشی هەواڵ
ویلایەتە یەكگرتووەكان، هێزی وشكانی و ژمارەیەك كەشتی جەنگی بەرەو سوریا رەوانە دەكات، تا یاریدەدەربن بۆ پاشەكشەپێكردنی هێزەكانى لە وڵاتەكە.

رۆژنامەی (ووڵ ستریت جۆرناڵ) لە زاری چەند سەرچاوەیەكەوە بڵاویكردۆتەوە”ئەو هێزە وشكانییەی لە رێگەدایە بەرەو سوریا، یاریدەردەبێت بۆ پاشەكشەپێكردنی هێزەكانی ئەمریكا، كەشتییەكانیش پارێزگاری لەو هێزانە دەكەن لەحاڵەتێكدا گەر رووبەڕووی مەترسی بونەوە”.

بەپێی سەرچاوەكان، كەشتی (كیراسارج) سەركردایەتی چەند كەشتییەكی تر دەكات كە سەدان سەربازی مارێنز و ژمارەیەك هێلیكۆپتەرییان هەڵگرتووە.

ئەمەش لەكاتێكدایە كە پێشتر بەرپرسێكی ئەمریكایی رایگەیاندبوو، ویلایەتە یەكگرتووەكان دەستیكردووە بە كێشانەوەی  كەرەستە سەربازییەكانى سوریا، بەڵام تائێستا دەستینەكردووە بە پرۆسەی پاشەكشەپێكردنی سەربازەكان.

هەر لەو چوارچێوەیەدا، ئاژانسی (ئەسۆشێتد پرێس) لە زاری بەرپرسێكەوە كە ناوەكەی ئاشكرانەكردبوو، بڵاویكردبۆوە”كێشانەوەی كەرەستە سەربازییەكان، بەشێكە لە پرۆسەی دەستكردن بە پاشەكشەپێكردنی هێزەكان لە سوریا”.

جیهان

باغۆز: سڤیلەكان دوایین ناوچەكانی بندەستی داعش چۆڵ دەكەن

خەڵك- بەشی هەواڵ

ئەمڕۆ هەینی هاووڵاتیانی سڤیل لە نێو ژمارەیەكبارهەڵگردا بینراون كە ئەگەری هەیە، ناوچەكانی بن دەستی داعش چۆڵ بكەن.

ئاژانسی ڕۆیتەرز بڵاویكردەوە، لە ناوچەی باغۆز لە سنووری سووریا و عیراق ژمارەیەكی زۆر بارهەڵگر  بینراون كە هاووڵاتیانی سڤیلیان تێدا بووە لە ناوچەكانی بن دەستی داعش لە ڕۆژهەڵاتی سووریا.

بەڵام بە تەواوەتی ڕوون نەبووەتەوە كە ئایا ئەو بارهەڵگرانە ئەو سڤیلانە دەگوازنەوە كە لە ناوچەكانی بن دەستی داعشدا گیریانخواردووە و هێزەكانی سووریای دیموكرات بە پشتیوانی ئەمریكا دەیانهەوێت كۆنتڕۆڵی بكەن یان نا.

بەردەوام بە لە خوێندنەوە

جیهان

سەرۆكی ڕوسیا و سەرۆك وەزیرانی ئیسرائیل كۆدەبنەوە

خەڵك- بەشی هەواڵ

بڕیارە لەهەفتەی ئایندەدا سەرۆكی ڕوسیا و سەرۆك وەزیرانی ئیسرائیل لە مۆسكۆ كۆببنەوە.

بەپێی هەواڵێكی ماڵپەڕی فەرمی سەرۆك وەزیرانی ئیسرائیل، بنیامین ناتانیاهو سەرۆك وەزیرانی ئیسرائیل لەپەیوەندییەكی تەلەفۆنیدا قسەی لەگەڵ فلادمیر پوتن سەرۆكی ڕوسیا كردووە، كە تێیدا بڕیاریانداوە لەئایندەیەكی نزیكدا كۆبونەوەیەك لەڕووسیا بكەن.

هاوكات بەپێی هەواڵێكی ئاژانسی ڕۆیتەرز، بڕیارە ئەو كۆبونەوەیە لە 27ی ئەم مانگەدا لەمۆسكۆ بەڕێوەبچێت و زیاتر گفتوگۆ لەبارەی ڕۆژهەڵاتی ناوەڕاستی و دۆخی سوریا دەكەن.

بەردەوام بە لە خوێندنەوە

جیهان

ترەمپ و ئەردۆغان لەسەر بەرەنگاربوونەوەی تیرۆر لە سووریا ڕێككەوتن

خەڵك- بەشی هەواڵ

ڕەجەب تەیب ئەردۆغان سەرۆك كۆماری توركیا ‌و دۆناڵد ترەمپ سەرۆكی ئەمریكا پەیوەندییەكی تەلەفۆنییان ئەنجام دا.

بەپێی ئاژانسی ئەنادۆڵۆ، لە پەیوەندییە تەلەفۆنییەكەی نێوان ئەردۆغان و ترەمپدا باس لە دوا پەرەسەندنەكانی سووریا كرا و یارمەتیدانی پرۆسەكە بە گرنگ زانرا.

هەروەها لە پەیوەندییە تەلەفۆنییەكەی نێوان ئەردۆغان و ترەمپدا جەخت كرایەوە لەسەر سوور بوون لە هاوبەشی بەرەنگاریی هەموو جۆرێك لە تیرۆر.

ئەردۆغان و ترەمپ هاوڕابوون لەبارەی جێبەجێ كردنی كشانەوەی ئەمریكا لەسووریا بە ئاراستەی گونجاو لەگەڵ بەرژەوەندییە هاوبەشەكان‌و هەردوو سەركردە ڕێككەوتن لەسەر پرسی بەھێزكردنی زیاتری پەیوەندی ئابووری و گەیاندنی قەبارەی بازرگانی بۆ ٧٥ ملیار دۆلار .

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟

کوردستان