نرخی زێڕ لە بۆرسەی جیهانی و بازاڕەكانی هەرێمی كوردستان ڕۆژ بەڕۆژ ڕوو لە بەرزبوونەوەیە و ئەمڕۆ بەرزترین نرخی لە مێژودا تۆماركردووە.
دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایەیاند، نرخی زێڕ بەشێوەیەكی بەرچاو بەرزبۆتەوە و نرخی یەك ئۆنسە گەیشتۆتە 2 هەزار و 578 دۆلار.
ڕاشیگەیاند، نرخی یەك مسقاڵ زێڕی عەیار 24 بووە بە 628 هەزار دینار و عەیاری 21 بە 550 هەزار و عەیاری 18 بووە بە 470 هەزار دینار.
ئەمە لەكاتێكدایە، كە ساڵێك لەمەوبەر نرخی ئۆنسەیەك نزیكەی 800 دۆلار كەمتر بووە و لەو بەروارەوە تا ئێستا هەر مسقاڵێك زێڕ 110 دۆلار بەرزبۆتەوە.
