کامەران عوسمان ئەندامی ڕێکخراوی سی پی تی ئەمریکیی، ڕایگەیاند، ئەمشەو فڕۆکە جەنگییەکانی تورکیا بە چڕیی بۆردوومانی سنووری چۆمانی سەر بە پارێزگای هەولێر و چیای ئاسۆسی سەر بە پارێزگای سلێمانییانکردووە.
کامەران عوسمان ئاماژەی بەوەشدا، ئەمشەو لە کاتژمێر ٩:٠٥ خولەکەوە فڕۆکە جەنگییەکانی تورکیا چەندین ناوچەی هەرێمیان بۆردومانکرد کە بەمشێوەیەیە:
هێرشەکان بۆ سەر ئەم شوێنانەی خوارەوە بوون لە هەرێمی کوردستان:
• دامێنی گرێ بەهار و پشتی گوندی بەلاڤە لە قەزای ئامێدی.
• چیای حەوت تەبەق و گوندەکانی کەفنە مژێ و سپیندارێ و گیرگاشێ لە بەری گارێ لە قەزای ئامێدی.
• چیای کتکین و خواکوڕک لە قەزای سیدەکان.
• چیای کۆخە و شاخی تاڵە لە سنوری قەزای چۆمان.
• دەورووبەری گوندی قەڵاتوکان لە سنوری قەزای پشدەر.
• هەواری ڕەوەندەکانی گوندی کوێرەکانی و چیای ئاسۆس لە سنوری قەزای ماوەت.
لە هێرشەکانی ئەمشەودا، هیچ هاووڵاتییەکی مەدەنی نەبوونەتە قوربانی.
کامەران عوسمان
