وەزارەتی پەروەردە وادەی پەیوەندیکردنەوەی مامۆستایانی بە ناوەندەکانی خوێندن دیاریکرد و دەڵێت”1/9 پەیوەندی مامۆستایانە”.
بەپێی بڵاوکراوەیەک کە ئاڕاستەی بەڕێوەبەرانی خوێندنگاکان کراوە وەزارەتی پەروەردە ڕۆژی پەیوەندیکردنەوەی مامۆستایانی بە ناوەندەکانی خوێندن بۆ ساڵی خوێندنی 2024-2025 دیاریکرد.
بەپێی بڵاوکراوەکە پەروەردە ڕۆژی 1/9/2024 ی وەک ڕۆژی پەیوەندیکردنەوەی مامۆستایان بە ناوەندەکانی خوێندن دیاریکراوە.
ئەمە لەکاتێکدایە ماوەی زیاتر لە 50 ڕۆژە مووچەی مووچەخۆران دابەشنەکراوە، و مامۆستایان و وانەبێژان هۆشداری دەدەن لە بایکۆتکردنی ناوەندەکانی خوێندن ئەگەر مووچەکانیان دابەشنەکرێت و وانەبێژان نەکرێنە گرێبەست.
