بەڕێوەبەرایەتی خۆسەر لە ڕۆژئاوای کوردستان لەبارەی هێرشەکانی تورکیاوە دەڵێت، “دەبێتە هۆی تێکدانی ئارامی و ئاسایشی ناوچەکە”.
بەڕێوەبەرایەتی خۆسەر لە ڕاگەیەندراوێکدا بڵاویکردەوە، کردنە ئامانجی دەوروبەری نەخۆشخانەی دڵ و چاو لە قامیشلۆ و ناوچەکانی شەهبا لە لایەن سوپای تورکیاوە، کە کوژران و برینداربوونی چەندین هاووڵاتی سڤیلی لێکەوتەوە، دەبێتە هۆی تێکدانی ئارامی و ئاسایشی ناوچەکە و گەشەپێدانی ناوچەکە پەکدەخات.
بەڕێوەبەرێتى خۆسەر ئاماژە بەوەشدەکات، هەماهەنگی تورکیا لەگەڵ رژێمی دیمەشق دەریدەخات، کە تا ئێستا نەیتوانیووە ئامانجەکانی بەدەستبهێنێت.
داواش لە ڕێکخراوە نێودەوڵەتییەکان دەکات سنوورێک بۆ ئەو پێشێلکارییانە دابنێن و ڕێز لە یاسا و ڕێنماییە نێودەوڵەتییەکان بگرێت.
