ناوەندی بوومەلەرزەزانی جیهانی تۆمارکردنی بومەلەرزەیەکی بەهێزی لە تایوان ئاشکرا کرد.
ناوەندی بوومەلەرزەزانی دەریای ناوەڕاستی ئەوروپی بڵاوی كردەوە، بەرەبەیانی ئەمڕۆ بوومەلەرزەیەك بەهێز و بە گوڕی ٦.١ پلە بە پێوەری ڕێختەر دوورگەیەكی تایوانی هەژاند.
لە ڕاگەیاندراوی ناوەندەکەدا هاتووە، بەرەبەیانی ئەمڕۆ بوومەلەرزەیەك بەهێز و بە گوڕی ٦.١ پلە بە قوڵایی ١٠ كیلۆمەتر و ٢٣ كیلۆمەتر بەرەو باشووری ڕۆژهەڵاتی شاری هوالیان بووە كە ژمارەی دانیشتووانەكەی نزیكەی ١٠٠ هەزار كەسە.
ناوەندەکان تا ئێستا هیچ زانیارییەكیان سەبارەت بە زیانە گیانی و ماددییەكان نەخستۆتەڕوو، و هیچ مەترسییەک بۆ ڕوودانی تسۆنامی لەو ناوچەیە نەخراوەتەڕوو.
جێێ سەرنجە تایوان بە یەکێک لەو واتانە دادەنرێت کە زۆرترین بوومەلەرزەی تێدا ڕوودەدات، ئەوەش بەهۆی ئەوەی هەڵکەوتەکەی لەسەر رێڕەوی هێڵی بوومەلەرزەی جیهانییە و لەسەر دوو تاشی چالاکە.
