بەڕێوەبەرایەتی پەروەردەی پێنجوێن ئاگاداری دایکان و باوکان و خوێندکاران دەکات خولێکی بەهێزکردن بۆ پۆلەکانی یەکەم و چوارەم و حەوتەم لەگەڵ پۆلی ١١ بێ بەرامبەر دەکاتەوە.
بەپێی بڵاوکراوەکەی بەڕێوەبەرایەتی پەروەردەی پێنجوێن، بە پێی ڕێنمایی وەزارەتی پەروەردە و بەڕێوەبەرایەتی گشتی پەروەردەی سلێمانی خولی بەهێز کردن بۆ قوتابیانی پۆلی (یەکەم و چوارەم و حەوتەم) و پۆلی (١١)ی زانستی و وێژەیی ساڵی خوێندنی (٢٠٢٣-٢٠٢٤)واتە ئەم ساڵی ڕابردوو دەکرێتەوە بە پێ ی شوێنی جوگرافی.
ئاماژە بەوەشکراوە، خولەکە بێ بەرامبەرە واتە قوتابی و خوێندکار پارە نادەن بۆ بەشداری کردن و لەو قوتابخانانەی بۆیان دیاریکراوە دەتوانن لەماوەی سێ ڕۆژدا ناوەکان تۆمار بکەن.
پەروەردەی پێنجوێن داوا لە قوتابیان و خویندکاران دەکات لە ڕۆژانی (سێ شەممە و چوارشەممە و پێنج شەممە بەرواری ٢٠٢٤/٧/٣١٫٣٠ ،٢٠٢٤/٨/١) سەردانی قوتابخانە و خوێندنگەکانی دیاریکراو بکەن بۆ ناو نوسین وە ئاگاداریان دەکەین خولەکە (٢٠٢٤/٨/٤ دەست پێ دەکات و تاوەکو ٢٠٢٤/٨/٣١) بەردەوام دەبێت و کۆتایی دێت.
خشتەی خولەکان شوێنەکان بەم شێوەی لای خوارەوە دەبێت :
١-قوتابیانی پۆلی (یەکەم و چوارەم)ی بنەڕەتی قوتابخانەکانی (پێنجوێن ،شۆڕشی نوێ، جلال محمود،دیدگا،شلێر) لە قوتابخانەی (شۆڕشی نوێ)ی بنەڕەتی دەکرێتەوە.
٢-قوتابیانی پۆلی (یەکەم و چوارەم)ی بنەڕەتی قوتابخانەکانی (ناوشاخان، قەڵادێ،شەهید محمد صدیق) لە قوتابخانەی (ناوشاخان)ی بنەڕەتی دەکرێتەوە.
٣-قوتابیانی پۆلی (یەکەم و چوارەم)ی بنەڕەتی قوتابخانەکانی (ملەکەوە، بلکیان ،موفتی پێنجوێنی،مێرگەسیر) لە قوتابخانەی (ملەکەوە)ی بنەڕەتی دەکرێتەوە.
٤-قوتابیانی پۆلی (حەوتەم)ی بنەڕەتی سەرجەم قوتابخانەکان لە قوتابخانەی (شەهید محمد صدیق)دەکرێتەوە.
٥-خوێندکارانی پۆلی (١١)ی زانستی و وێژەیی سەرجەم خوێندنگە ئامادەییەکان لە بینای (دواناوەندی سێکوان) نزیک گەراجی باشماخ دەکرێتەوە.
تێبینی/
خولەکە بۆ قوتابیان و خۆێندکاران بێ بەرامبەرە و بەشداری کردن ئارەزوو مەندانەیە و مامۆستای پسپۆڕ دابین کراوە و وەک بەشێک لە بەرنامەکانی وەزارەت تەنها بۆ بەهێزکردنی قوتابی و خۆێندکارە و هەفتەی چوار رۆژ وانە دەخۆێنرێت.
