هاتووچۆی هەولێر ئاگاداری ئەو هاووڵاتییانە دەکاتەوە کە تابلۆی گەشتکرنی ئۆتۆمبێلیان لایە، دەبێت لە ماوەی یەک مانگدا تابلۆکان بگەڕێننەوە.
ئەمڕۆ چوارشەممە، بەڕێوەبەرایەتیی هاتووچۆی هەولێر ئاگادارییەکی بڵاوکردەوە و ڕایگەیاند، ئەو هاووڵاتییانەی کە تابلۆی گەشتکردن بۆ دەرەوەی وڵاتیان بۆ ئۆتۆمبێلەکانیان لە بەڕێوەبەرایەتی هاتووچۆی هەولێر وەرگرتووە، دەبێت تابلۆکە بگەڕێننەوە بۆ بەڕێوەبەرایەتیەکەمان و تابلۆى تازه بۆ ئۆتۆمبێلەکانیان وەربگرن.
ئاماژەی بەوەکرد، کاتێک ئەم تابلۆی گەشت کردنە درا بە ئۆتۆمبێلەکان نە دەتوانرا ئۆتۆمبێل بە تابلۆ کۆنەکان گەشتی دەرەوەی وڵات بکرێت، بەڵام ئێستا تابلۆی نوێ نێودەوڵەتییە و هیچ کێشیەکی نییە بۆ گەشتکردن بۆ دەرەوەی وڵات.
ئەوەشی خستەڕوو، سەرجەم ئەو شوفێرانەی تابلۆی گەشتکردنیان لایە دەبێت لە ماوەی یەک مانگدا لە دوای ٢٦ی حوزەیرانی ٢٠٢٤ تابلۆکان بگەڕێننەوە.
