دوانیوەڕۆی ئەمڕۆ لەناو بازاڕی شاری دهۆك بووە بە تەقە و بەهۆیەوە چوار كەس بریندارن، كە دووانیان پۆلیسن.
بەپێی زانیارییەكان، لەناو بازاڕی دهۆك لەلایەن چەند كەسێكەوە تەقە كراوە و بەهۆیەوە دوو كارمەندی پۆلیس و دوو هاووڵاتی، کە منداڵێك و پیاوێکە بریندار بوون و گەیەندراونەتە نەخۆشخانە.
ئەمە لەكاتێكدایە، كە لە شاری هەولێر دوێنێ لەنێوان چەند بازرگانێكدا لەسەر پارچە زەوییەك بوو بە شەڕەتەقە و بەهۆیەوە 4 كەس كوژران و چەند هاووڵاتییەكیش بریندار بوون.
