“بکوژانی پۆلیسەکەی سلێمانی پێشینەی چەندین تاوانی دیکەیان هەبووە”

هێزە ئەمنییەکانی سلێمانی ڕایانگەیاند، ئەو دوو کەسەی بە تۆمەتی کوشتنی پۆلیسەکە دەستگیرکراون، پێشینەی چەندین تاوانی دیکەیان هەبووە.

ئەمڕۆ دووشەممە، هێزە ئەمنییەکانی سلێمانی لە کۆنگرەیەکی ڕۆژنامەوانی هاوبەشدا، دەستگیرکردنی دوو کەسیان ڕاگەیاند کە تۆمەتبارن بە کوشتنی پۆلیسێك و بریندارکردنی پۆلیسێکی دیکە و هاووڵاتییەك.

ڕووداوەکە شەوی یەکشەممە، لە کاتی هەوڵدان بۆ دەستگیرکردنی تۆمەتبارەکان ڕوویدا کە بە پێی ڕاگەیەندراوەکە پێشینەی چەندین تاوانی دیکەیان هەبووە.