لە کاتێکدا بەڕیوەبەرایەتییەکانی پەروەردە بڕیاری دەستپێکردنەوەی دەوامیان داوە، بەڵام مامۆستایان لە بایکۆت بەردەوام بوون.
بڕیاربوو ئەمڕۆ یەکشەممە، دەوامی خوێندنگەکانی پارێزگاکانی سلێمانی، هەڵەبجە و هەردوو ئیدارەی گەرمیان و ڕاپەڕین دەستپێبکاتەوە، بەڵام بە هۆی سووربوونی مامۆستایان لەسەر بڕیاری بایکۆت، تەنها دەرگای چەند خوێندنگەیەك کرانەوە.
هاوکات لەگەڵ بایکۆتەکە، بڕیارە ئەمڕۆ مامۆستایانی ناڕازی و وانەبێژان خۆپیشاندانی بەرفراوان ئەنجام بدەن.
مامۆستایان جەخت دەکەنەوە کە تاوەکو کێشەی مووچە، پلەبەرزکردنەوە و دامەزراندنی مامۆستایانی وانەبێژ چارەسەر نەکرێن، دەوام دەستپێناکەنەوە.
