هاوکات لەگەڵ جێبەجێکردنی دوو مەرجی مامۆستایانی ناڕازیی لەلایەن حکومەتی هەرێمی کوردستانەوە، ژمارەیەك لە مامۆستایان لە کۆیە خۆیشاندانیان کرد.
ئەمڕۆ یەکشەممە، ژمارەیەك لە مامۆستایانی ناڕازیی لە شاری کۆیە خۆپیشاندانیان کرد و دروشمی “بایکۆت بەردەوامە”یان دەوتەوە.
خۆپیشاندانەکە لە کاتێکدایە کە ئەمڕۆ ئالان حەمە سەعید، وەزیری پەروەردە نووسراوێکی بۆ دەستپێکردنەوەی پلەبەرکردنەوە و بەگرێبەستکردنی مامۆستایانی وانەبێژی ڕاگەیاند، بەڵام ڕوونیشیکردەوە کە بڕیارەکە دوای هەموارکردنەوەی یاسای بودجەی عێراق و ناردنی شایستە داراییەکانی هەرێمی کوردستان جێبەجێ دەکرێت.
ئەو دوو خاڵەش بەشێکن لە مەرجەکانی مامۆستایانی ناڕازی بۆ دەستپێکردنەوەی دەوام لە سنووری پارێزگاکانی سلێمانی و هەڵەبجە و هەردوو ئیدارەی گەرمیان و ڕاپەڕین.
