سەرلەنوێ خۆپیشاندان و گردبوونەوەی دانیشتووانی ناحیەی خەلەکان سەر بە قەزای دوکان دەستیپێکردەوە.
ئەمڕۆ چوارشەممە، دانیشتووانی بەشێک لە گوندەکانی ناحیەی خەلەکان خۆپیشاندانیان دەستیپێکردەوە و ڕێگەی هاتووچۆی بارهەڵگرەکانیان لە نێوان دوکان و ڕانیە داخست.
خۆپیشاندانەکە لە دوێنیوە دەستیپێکردووە و تێیدا هاووڵاتییانی ئەو ناوچەیە داوای چاککردنی ڕێگەوبانەکان و چارەسەرکردنی گرفتی کەمیی کارەبا دەکەن.
دانیشووانی گوندەکانی خەلەکان خێمەیان هەڵداوە و شەوی ڕابردووش لەسەر ڕێگەکە مانەوە و جەختیش دەکەنەوە کە تا داواکارییەکانیان جێبەجێ نەکرێت، کۆتایی بە ناڕەزایەتییەکەیان نەهێنن.
تا ئێستا هیچ بەرپرسێکی حکومیی بەدەنگ داواکاریی ئەو هاووڵاتییانەوە نەچوون.
