شاری مەككەی پیرۆز لە شانشینی عەرەبی سعودیە، ڕووبەڕووی بارانی بەلێزمە دەبێتەوە و لە هەندێك ناوچەدا لافاو دروست دەبێت، دەسەڵاتدارانیش ڕێكارەكانی خۆپارێزی دەگرنەبەر.
ناوەندی ئیدارەی قەیران و كارەساتەكان لە میرنشینی ناوچەی مەككەی پيرۆز ڕایگەیاند، بەهۆی بارانی بەلیزمە كە جددە بەخۆوەی دەبینی، تونێلەكان داخران، داواش لە هاووڵاتیان دەكرێت ڕێگە كراوەكان بەكاربهێنن.
ناوەندەكە داوای لە هاووڵاتیان كرد، بەئاگابن و لە ماڵەكانیان بمێننەوە، تا ئەو كاتەی شەپۆلی بارانبارینەكە تەواو دەبێت و خۆشیان لەو ناوچانە بپارێزن باراناوی تێدا كۆبۆتەوە.
هەر لەوچوارچێوەیەدا، ئیمام و وتاربێژانی مزگەوتەكان لە باكووری مەككە لەڕێی بڵندگۆكانەوە داوایان لە هاووڵاتیان كرد لە ماڵەوە نوێژەكانیان بكەن.
#مكة_الان#أمطار العاصمة المقدسة
🎥 ا محمد الهذلي pic.twitter.com/jKupkQb3pt— إمارة منطقة مكة المكرمة (@makkahregion) December 11, 2022
