ئێمە لە تۆرە کۆمەڵایەتیەکان

ژینگە

گرتنەوەی زێی بچوك قەیرانی ئاو لە سلێمانی دروست دەكات؟

لقێكی رووباری زێی بچووك. شارباژێڕ- قەزای ماوەت فۆتۆ: ئامەد حەسەن

خەڵك- بەشی هەواڵ

دوای گرتنەوەی ئاوی زێی بچوك كە سەرەكیترین لقی ئاوی بەنداوی دووكانە، كێشە بۆ بەنداوەكە دروست دەبێت و داهاتی ئاوەكەی لە ماوەی دوو رۆژی رابردوودا بۆ نیوە كەمیكردووە، بەڕێوەبەری بەنداوەكەیش دەڵێت”كێشەی ئاوی خواردنەوەمان بۆ ئەمساڵ نابێت، بەڵام گرتنەوەی ئاوەكە زیانی زۆری لێدەكەوێتەوە”.

محەمەد تاهیر، بەڕێوەبەری گشتی بەنداوی دووكان بە (خەڵك)ی راگەیاند، كە گرتنەوەی ئاوی زێی بچوك كاریگەری نەرێنی لەسەر ژینگە و سەرچاوەكانی ئاو و سامانی ماسی دەبێت و داهاتی ئاوی بەنداوی دووكانیش زۆر كەمدەكاتەوە.

وتیشی”داهاتی ئاومان پێش گرتنەوەی ئاوەكە 150 هەزار مەتری سێجا بوو رۆژانە، بەڵام ئێستا دابەزیوە بۆ 80 مەتری سێجا و رۆژانی داهاتوویش زیاتر دادەبەزێت”.

محەمەد تاهیر سەبارەت بە ئاوی خواردنەوە، رونیكردەوە كە كێشەی ئەوتۆ بۆ ئاوی خواردنەوەی سلێمانی و ئەو شار و شارۆچكانە دروستنابێت، كە پشت بە بەنداوی دووكان دەبەستن بۆ ئەمساڵ، چونكە بڕێكی باش ئاو كۆكراوەتەوە و بەشی ئاوی خواردنەوە دەكات.

بەنداوی دووكان لە ساڵانی پەنجاكانی سەدەی رابردوودا لەسەر زێی بچوك دروستكراوە و نزیكەی 60 كیلۆمەتر لە باكوری خۆرئاوای شاری سلێمانییەوە دورە و 7 ملیۆن مەتری سێجا ئاو كۆدەكاتەوە.

ژینگە

كەشناسی رێژەی باران بارینی 24 كاتژمێری رابردووی لە هەرێمی كوردستان بڵاوكردەوە

خەڵك-بەشی هەواڵ

بەڕێوەبەرایەتی كەشناسی و بومەلەرزەزانی هەرێمی كوردستان رێژەی باران بارینی لە 24 كاتژمێری رابردوو بڵاوكردەوە.

بەپێی زانیارییەكانی كەشناسی هەرێمی كوردستان، زۆرترین رێژەی بارین باران لە شارۆچكەی سەرسەنگی سەر بە پارێزگای دهۆك بە بڕی 72 ملم باریوە.

بەپێی ئەو پێشبینیانەی كەشناسی لەسەر باران بارین بڵاویكردووەتەوە، ئەمڕۆ پێنج شەممە باران بارین بەردەوام بێت و سبەینێ هەینی ئاسمانی شارەكانی هەرێمی كوردستان هەور و هەتاو دەبێت.

بەردەوام بە لە خوێندنەوە

ژینگە

كەش و هەوای ئەمڕۆ و سبەی شارەكانی هەرێمی كوردستان

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەش و هەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ پێنج شەممە بەرزترین پلەی گەرما لە هەولێر 14 پلە و لە سلێمانی 12 پلە و لە دهۆك 12 پلەو لە كەركوكیش 18 پلە دەبێت‌و لە سەرجەم شارەكانی هەرێمی كوردستانیش باران دەبارێت و لە ناوچە شاخاوییەكانیش بەفر دەبارێت.

هەر بەپێی پێشبینییەكانی كەشناسی، سبەینێ هەینی بەرزترین پلەی گەرما لە هەولێر 15 پلە و لە سلێمانی 13 پلەو لە دهۆك 13 پلەو لە كەركوكیش 19 پلە دەبێت و ئاسمانی شارەكانی هەرێمی كوردستانیش هەور و هەتا دەبێت.

بەردەوام بە لە خوێندنەوە

ژینگە

وێنەو ڤیدیۆ.. پایزی سەرچنار

خەڵك-

فۆتۆ: هەرێم بەهادین

هاوینەهەواری سەرچنار لە شاری سلێمانی لە كەشێكی پایزی سەرنجڕاكێشدایە و دیمەنێكی نایاب پێشكەشی سەردانیكەرانی دەكات.

هاوینەهەواری سەرچنار بەهۆی شەپۆلی باران بارینەكانی رابردووەوە سەرجەم كانیاو و سەرچاوەكانی تەقیون و هاژە و خوڕەی ئاو تێكەڵی رەنگی ئاڵتوونی دار و درەخت و گەڵا هەڵوەریوەكان بووە.

سەرچنار بە هاوێنەهەوارێكی دێرینی باشووری كوردستان و شاری سلێمانی دادەندرێت و رۆژانە و ساڵانە گەشتیارێكی زۆری نێوخۆیی و دەرەكی سەردانی دەكەن.

بەردەوام بە لە خوێندنەوە
کام لەم وەزارەتانەی کابینەی ٨ لە ئاست خزمەتکردن بە هاولاتیان جێدەستی دیار بووە؟
  • وه‌زارەتی كشتوكاڵ و سەرچاوەکانی ئاو 84%, 32
    32 84%
    32 - 84% هەموو دەنگەکان
  • وه‌زارەتی دارایی و ئابووری 8%, 3
    3 8%
    3 - 8% هەموو دەنگەکان
  • وه‌زارەتی بازرگانی و پیشه‌سازی 8%, 3
    3 8%
    3 - 8% هەموو دەنگەکان

کوردستان

دوایین