![](https://xelk.org/wp-content/uploads/2024/03/awincity2.png)
بنكەی پۆلیسی پردێ ڕایدەگەیەنێت، منداڵێك لەبەردەمی ماڵی خۆیان ئۆتۆمبێل لێی داوە و گیانی لەدەستداوە، دایكەكەش بەرگەی ئەو دۆخەی نەگرتووە و خۆی كوشتووە.
پۆلیسی پردێ لە ڕاگەیەنراوێكدا ئاماژەی بەوەكردووە، ئەمڕۆ دایکێک دوای ئەوەی گیانلەدەستدانی کوڕە دوو ساڵەکەی بە چاوی خۆی دەبینێت کاتێک لەبەردەم ماڵی خۆیان ئۆتۆمبێل لێی دەدات، دەچێتە ژوورەوە و بە چەک کۆتایی بە ژیانی خۆی دەهێنێت.
ڕاشیگەیاندووە، دایکەکە تەمەنی ١٨ ساڵە و دانیشتووی شارەدێی پردێیە.
ئاشكراشی كردووە، ئەو چەکەی، کە کۆتایی بە ژیانی خۆی هێناوە پێی، چەكی مامی بووە، کە پیشەی پۆلیسە.