ئەندامێکی ئەنجوومەنی نوێنەرانی عێراق رایگەیاند، وەزیری بازرگانی عێراق بەڵێنیداوە کە لە‌ماوە‌ی یە‌ك ھە‌فتە‌دا پارەی گەنمی جوتیاران بنێرێت.
موسەننا ئەمین، ئەندامی ئەنجوومەنی نوێنەرانی عێراق رایگەیاندووە، پێش نیوە‌ڕۆ ئە‌مڕۆ شەممە، 21-1-2023 پە‌یوە‌ندیە‌كی تە‌لە‌فۆنی لە‌گە‌ڵ وەزیری بازرگانی عێراق ئە‌نجامداوە سە‌بارە‌ت بە خە‌جكردنی شایستە داراییە‌كانی جوتیارانی ھە‌رێمی كوردستان.
بە گوێرەی راگەیەندراوەکە، وەزیری بازرگانی عێراق پێی راگەیاندووە، (نە‌ك لە سە‌داسە‌د بە‌ڵكو لە‌سە‌دا ملیۆن ) بە‌ڵێن بێت لە‌ماوە‌ی یە‌ك ھە‌فتە‌دا پارەی گەنمی جوتیاران خە‌رج بكرێت ، بە‌ڵێنی ئە‌وە‌شیدا كە ڕۆژی یە‌كشە‌ممە بە‌رواری 22-1-2023 سە‌ردانی ئە‌نجومە‌نی وە‌زیران بكات بە‌مە‌بە‌ستی وە‌رگرتنی ڕە‌زامە‌ندی ناردنی لە‌سە‌ر ناردنی پارە‌كە.
