جێگری سەرۆکی حکومەتی هەرێم باسی پێکهێنانی حکومەتی نوێی هەرێم دەکات و دەڵێت” لەڕێی دروستبوونی هاوبەشیی راستەقینە لەحوکمڕانی حکومەتێکی خزمەتگوزار دروستدەبێت”.
قوباد تاڵەبانی، جێگری سەرۆکی حکومەتی هەرێم. لەگەڵ تۆبیاس لیندنەر، وەزیری دەوڵەت و رێکخەری تایبەتی وەزارەتی دەرەوەی ئەڵمانیا بۆ کاروباری سووریا کۆبۆوە و دۆخی سووریا و پێکهێنانی حکومەتی نوێی هەرێم تەوەری سەرەکی گفتوگۆکان بوو.
قوباد تاڵەبانی ڕایگەیاند، هیوادارین گفتوگۆکانی نێوان لایەنە سیاسییەکان بۆ پێکهێنانی حکومەتی بە زوویی بە ئەنجام بگات، و هاوبەشێ ڕاستەقینە لە حکومەتدا بکەین.
سەبارەت بە دۆخی سووریاش، هەردوولا هاورابوون کە پێویستە هەموو پێكهاتەکانی سووریا و بە تایبەتیش کورد وەک پێکهاتەیەکی گرنگ بەشداری پێ بکرێت لە داڕشتنەوەی سیستمی سیاسی نوێی سووریا و بەشێکی گرنگ بێت لە ئیدارەدانی سووریای نوێدا.
