کەشناسی هەرێمی کوردستان ڕایگەیاند ئەگەری نمەباران و بەفرێکی کەم هەیە و سبەینێش پلەی گەرما کەمێک بەرزدەبێتەوە.
بەڕێوەبەرایەتی گشتی کەشناسی و بوومەلەرزەزانی هەرێمی کوردستان ڕایگەیاند، ئەمڕۆ پێنجشەممە، ئاسمان نیمچە هەور دەبێت بە گشتى و ئەگەرى نمەبارانى کەم لەسەر بەشێک لە ناوچە شاخاوییە بەرزەکان و بەفرێکى کەم لە ناوچە سنوورییەکان هەیە.
سەبارەت بە سبەینێ هەینیش ڕایگەیاند، ئاسمان نیمچە هەور دەبێت و لە ناوچە شاخاوییەکانیش هەورى تەواو دەبێت .
ئەوەشی خستەڕوو کە پلەی گەرما کەمێک بەرز دەبێتەوە بەراورد بە تۆمارکراوەکانى ئەمڕۆ.
بەرزترین پلەکانی گەرمای پێشبینیکراو بە پلەی سیلیزی :
هەولێر : 15 پلەى سیلیزى
سلێمانی : 13پلەى سیلیزى
دهۆک :14 پلەى سیلیزى
کەرکووک : 17 پلەى سیلیزى
زاخۆ :14 پلەى سیلیزى
هەڵەبجە: 14 پلەى سیلیزى
حاجی ئۆمەران: 2 پلەى سیلیزى
سۆران : 11 پلەى سیلیزی
گەرمیان : 18 پلەى سیلیزى
