نێردەی ئەڵمانیا بۆ ڕۆژهەڵاتی ناوەڕاست داوای دیالۆگی هاوبەشی نێوان هێزەکانی سووریای دیموکرات و تەحریری شام دەکات بۆ پاراستنی مافەکانی کورد لە سووریا.
تۆبياس تونكل، نێردەی ئەڵمانیا بۆ ڕۆژهەڵاتی ناوەڕاست، سەردانی شاری حەسەکەی کرد و لەگەڵ مەزڵوم عەبدی، فەرماندەی گشتیی هێزەکانی سووریای دیموکرات کۆبووەوە.
تونکل ڕایگەیاند، لەگەڵ مەزڵوم عەبدی باسی ئەو پرسە هەنووکەییانەمان کرد کە دەبێت لە ڕێی دیالۆگی ڕاستەوخۆی نێوان هێزەکانی سووریای دیموکرات و دەستەی تەحریری شامەوە چارەسەر بکرێن.
وتیشی: دەکرێت ماف و بەرژەوەندییەکانی کوردانی سووریا لە ڕێی دیالۆگی ناوخۆیی سووریا لەگەڵ دیمەشق بە باشترین شێوە بپارێزرێت.
نێردە ئەڵمانییەکە ڕاشیگەیاند، هەر لە دیدارەکەیدا لەگەڵ مەزڵوم عەبدی هەوڵە هاوبەشە بەردەوامەکانی دژی داعشیان تاوتوێ کرد.
