دەزگای ئاسایشی هەرێمی کوردستان، لە ئۆپرسیۆنێکی هاوبەشدا دەستگیرکردنی سێ قاچاخچی بازرگانیکردن بەمرۆڤەوە ڕادەگەیەنێت.
ئەمڕۆ چوارشەممە، دەزگای ئاسایشی هەرێم ڕایگەیاندم لەئۆپراسیۆنێکدا کە لە رۆژانی 8-12ی ئەم مانگە ئەنجامدرا، سێ قاچاخچی بازرگانیکردن بە مرۆڤەوە لە سلێمانی و دەوروبەری دەستگیرکران.
ڕوونیشیکردەوە ئۆپراسیۆنەکە لەلایەن ئاسایشی گشتی سلێمانی، ئاسایشی گشتی هەولێر و ئاژانسی تاوانی نیشتمانی بەریتانیاوە ئەنجامدرا و قاچاخچییەکان کە خەڵکی هەرێمی کوردستانن “بەڕێگەی نایاسایی کۆچبەریان گواستووەتەوە بۆ بەریتانیا و وڵاتانی ئەوروپا”.
لە ڕاگەیەندراوەکەی دەزگای ئاسایشدا هاتووە کە “لێکۆڵینەوە لە دۆسیەکانی دەستگیرکراوەکان بەردەوامە”.
