ماوەی چەند ڕۆژێكە نرخی مریشك لە هەرێمی كوردستان و بەتایبەت سلێمانی ڕووی لەدابەزین كردووە و ئەمڕۆش نرخی یەك كیلۆ مریشك بۆ دوو هەزار و 100 دینار دابەزی.
یونس-ی مریش فرۆش بە (خەڵك)ی ڕاگەیاند، ئەمڕۆ سێ شەممە، لە بازاڕەكانی هەرێمی كوردستان نرخی مریشك زیاتر دابەزی و یەك كیلۆ لە شاری سلێمانی دوو هەزار و 100 دینارە.
وتیشی، “بەهۆی بەرهەمی زۆری كێڵگە پەلەوەرییەكان نرخی مریشك زیاتر دابەزیوە”.
محەممەد عومەر، مریشکفرۆش لە هەولێر وتی: “نرخی کیلۆیەک مریشک دابەزیوە بۆ 2 هەزار و 300 دینار”.
لە دوو مانگی رابردوودا كیلۆیەك مریشكی زیندوو لە هەرێمی كوردستان لە نێوان سێ بۆ سێ هەزار و 500 دیناردا بووە و لە ئێستاشدا بۆ نزیكەی دوو هەزار دابەزیوە.
