نرخی نەوتی خاو و برێنت لە بازاڕەکانی جیهان بەردەوامن لە بەرزبوونەوە و بەرمیلێک نەوتی برێنت لە 80 دۆلار نزیک دەبێتەوە.
ئەمڕۆ شەممە، نرخی بەرمیلێک نەوتی برێنت گەیشتە 79 دۆلار و 76 سەنت.
هاوکات یەک بەرمیل نەوتی خاوی ئەمریکا گەیشتە 76 دۆلار و 57 سەنت.
هاوکات هەر ئەمڕۆ یەک ئۆنسە زێڕ بە دوو هەزارو 689 دۆلارە.
ئابووریناسان باس لەوە دەکەن، خواستی وڵاتی چین بۆ کڕینی نەوتی خاو بە بڕێکی ئێجگار زۆر ناڕێکی لە بازاڕدا دروستکردووە و نرخی نەوتی بەرزکردووەتەوە.
ئەوەش لەکاتێکدایە، پێشتر بەهۆى خاوبوونەوەى ئابوورى چین، پێشبینیەکان بۆ خواست لەسەر نەوت لەلایەن رێکخراوى ئۆپێک و ئاژانسى وزەى نێودەوڵەتییەوە کەمکرایەوە.
