بەڕێوەبەرایەتی کارەبای سلێمانی نرخی کارەبای مۆلیدەی سیتییەکانی دیاریکرد و ڕاشیگەیاند هەر سیتییەک زیاتر وەربگرێت ڕووبەڕووی ڕێکاری یاسایی دەکرێتەوە.
ئەمڕۆ سێشەممە، بەڕێوەبەرایەتی گشتی کارەبای سلێمانی ڕایگەیاند، لیژنەی باڵای دیاریکردنی نرخی کارەباى کۆمەڵگەکانى نیشتەجێبوون (ستییەکان) کۆبووەوە و تیێدا نرخی کیلۆواتی کارەبای مۆلیدەی بۆ مانگی كانوونی یه‌كه‌می بە 265 دینار بۆ هەر کیلۆواتێک دیاریکرد.
ڕوونیشیکردەوە کە نرخەکە بەگوێرەی نرخی گازوایل لەبازاڕ و ئەو توێژینەوەیە دیاریکراوە کە بۆ خەرجی مۆلیدەی ستییەکان ئامادەکراوە.
مانگى تشرینی دووه‌می ڕابردوو نرخى کیلۆواتێک کارەباى مۆلیدەى ستییەکان (260) دینار بوو.
کارەبای سلێمانی ڕایگەیاند، پێویستە سەرجەم سیتیيەکانی سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن ڕووبەڕووی ڕێکاری یاسایی دەکرێتەوە.
