“ئێمە هەنییەمان لە تاران کوشت”

دوای ٥ مانگ لەو ڕووداوە، ئیسڕائیل بەرپرسیارێتی خۆی لەکوشتنی ئیسماعیل هەنییە لەتاران ڕاگەیاند.

یسڕائیل کاتز، وەزیری بەرگری ئیسڕائیل بۆ یەکەمجار پشتڕاستی دەکاتەوە، کە وڵاتەکەی لەپشت کوشتنی ئیسماعیل هەنییە، بەرپرسی مەکتەبی سیاسی بزووتنەوەی حەماس بووە لەتاران.

https://twitter.com/Osint613/status/1871279418804748432

کاتز دەڵێت: لەم ڕۆژانەدا، کە تیرۆریستانی حوسی مووشەک ئاڕاستەی ئیسڕائیل دەکەن، دەمەوێت پەیامێکی ڕوونیان پێ بگەیەنم: ئێمە حەماسمان تێکشکاند، حزبوڵڵامان تێکشکاند، سیستمی بەرگریی ئێرانمان وێرانکرد، ڕژێمی ئەسەدمان لەسووریا ڕووخاند، گورزی توندمان لە ‘میحوەرەکانی شەڕ ‘ داوە، بەدڵنیاییەوە گورزی توند و سەختیش لەتیرۆریستانی حوسی لە یەمەن دەوەشێنین.

کاتز وتی: لەژێرخانی ستراتیژی حوسییەکان دەدەین و سەری سەرکردەکانیان دەبڕین، هەروەک چۆن لە تاران و غەززە و لوبنان لەگەڵ هەنییە و سینوار و نەسروڵڵادا کردمان، لەسەنعاش هەمان شت دەکەین.

جەختیشی لەوە کردەوە، هەرکەسێک دەست بەرامبەر ئیسڕائیل بەرز بکاتەوە دەستی دەبڕین، دەستی پۆڵاینی سوپای ئیسڕائیلیش دەگاتە هەموو جێیەک.