لە پێشبڕکێی ئۆتۆمبێل لە هەولێر چەند کەسێک برینداربوون.
نیوەڕۆی ئەمڕۆ هەینی 20ی كانوونی یەكەمی 2024، لەكاتی بەڕێوەچوونی پێشبڕكێی ئۆتۆمبێل لە شاری هەولێر، ستاندی شوێنی دانیشتنی هاندەران داڕووخاوە و بەهۆیەوە 15 کەس بریندار بوون.
شاخەوان سەعید، وتەبێژی بەرگریی شارستانی هەولێر وتى، “لە رووداوەکەدا 15 کەس بریندار بوون کە زۆرینەیان شکان بوون، تیمی فریاگوزاریمان لە شوێنی رووداوەکە بوون و چارەسەری سەرەتاییان بۆ تەواوی بریندارەکان کرد”.
پێشبڕکێکە لە دوو سایدی لاوان بووە، فەرمی بووە و مۆڵەتیان هەبووە.
