نرخی بەنزین لە شاری هەولێر بۆ هەر لیترێك بڕی 50 دینار دابەزی.
پەیامنێری (خەڵك) لە هەولێر ڕایگەیاند، ئەمڕۆ هەینی 20ی كانوونی یەكەمی 2024، لە هەولێر گۆڕانکاری بەسەر نرخی بەنزیندا هاتووە و بۆ هەر لیترێك بڕی 50 دینار دابەزیوە.
ڕاشیگەیاند، لیترێک بەنزینی نۆرماڵ 50 دینار دابەزیوە واتە لە 915 بۆ 865 دینار دابەزیوە.
لە هەرێمی كوردستان هێشتا نرخی بەنزین زۆر گرانە بەراورد بە شارەكانی عێراق، كە لیتری بە 450 دینار لەكاتێكدا نرخی نەوت لە بازاڕی جیهانی دابەزیوە و وەزارەتی سامانە سرووشتییەكانیش لە ماوەی ڕابردوودا ڕایگەیاند، كە نرخی بەنزین هەرزان دەكەن.
