شارەزایەکی کەشناسی ئاشکرای دەکات، کە ئەمڕۆ هەینی لەدوانیوەڕۆوە شەپۆلێکی باران بارین دەگاتە ناوچەکەیان.
سیروان ساڵح، شارەزای کەشناسی بە (خەڵک)ی راگەیاند، لە پاش نیوەڕۆی ئەمڕۆ هەینیەوە شەپۆلەکە دەگات و لە ئێوارەوە ناوبەناو بارانبارینی زستانە دەستپێدەکات و تاوەکو بەرەبەیانی شەممە.
رونیشیکردەوە، لە زنجیرە چیاکانیش بەفر دەبارێت و پلەکانی گەرمی دادەبەزن.
سیروان ساڵح پێشبینیشی کرد؛ بڕی بارانەکەی لە زۆرشوێن باش بێت بەهۆی باشتربوونی شەپۆلەکە بەتایبەت پارێزگای سلێمانی و بەشێکی زۆری گەرمیان ئەگەر هەیە لە نێوان ( 5 تاوەکو 12 ملم ) باران ببارێت.
وتیشی، کە ئێوارەی ڕۆژی شەممە کۆتایی بە شەپۆلەکە دێت.
باسی لەوەشکرد، لە کۆتا هەفتەی ئەم مانگەشدا شەپۆلێکی تر هەرێم دەگرێتەوە.
