گەورەترین پیتزا لە ناوچەیەكی هەرێم دروستكرا

لە حاجیاوای سەر بە ئیدارەی راپەڕین گەورەترین پیتزا لەسەر ئاستی عێراق و هەرێمی کوردستان دروستکرا.

شەش کەس سەرقاڵی ئامادەکردنی پیتزاکە بوون، 50 کیلۆگرام هەویر و 45 کیلۆگرام پەنیر و هەشت کیلۆگرام زەیتوون و شەش کیلۆگرام قارچک و 20 کیلۆگرام تەماتە و بیبەری بۆ بەکارهاتووە.

هاوکات، درێژی ئەو پیتزایە 7 مەتر و 20 سانتیمەتر دەبێت، پانییەکەشی یەک مەتر و 30 سانتیمەتر دەبێت.

وەستا شاڵاو، كە 13 ساڵ ئەزموونی لە دروستكردنی پیتزادا هەیە و لەو خواردنگەیەی حاجیاوا كار دەكات، دەڵێت: “پیزاكە دوای برژاندن و ئامادەكردنی، پێشكەشی ژمارەیەك ژینگەپارێزانی ئەو قەزایە دەكرێت”.