ئەنجومەنی وەزیرانی هەرێمی کوردستان کۆدەبێتەوە و مووچەش یەکێک دەبێت لەو تەوەرانەی تاوتوێ دەکرێن.
بە پێی زانیارییەکانی “تۆڕی میدیایی خەڵک” ئەمڕۆ چوارشەممە، ئەنجومەنی وەزیرانی هەرێمی کوردستان کۆدەبێتەوە و تێیدا باس لە پرسی مووچە دەکات.
کۆبوونەوەکە لە کاتێکدایە کە نزیکەی نیوەی یەکەمی مانگی 12 بەرەو کۆتایی دەچێت و تا ئێستا فەرمانبەرانی هەرێمی کوردستان مووچەی مانگی 10 و 11یان وەرنەگرتووە.
هەرچەندە بەغدا 760 ملیار دیناری بۆ مووچە ڕەوانەکردوەو، بەڵام حکومەتی هەرێم بە پاساوی کورتهێنان تا ئێستا دابەشی نەکردووە، دوێنێش وەزارەتی دارایی ڕایگەیاند، کورتهێنانەکە چارەسەرکراوە.
