بەڕێوەبەری بەرهەمە نەوتییەکانی خانەقین ڕایدەگەیەنێت، لە سەرەتای ساڵی نوێوە لە سەرتاسەری وڵات پارەی فرۆشتنی بەنزین لە بەنزینخانە ئەهلی و حكومییەكان دەبێتە كاری بانكی “پارەدانی ئەلیكترۆنی” و پارەی كاش وەرناگیرێ.
ئەندازیار سەرمەد خەلیل، بەڕێوەبەری بەرهەمە نەوتییەكانی خانەقین لە ڕاگەیەنراوێكدا ئاماژەی بەوەكردووە، کارکردن بە پێدانی بەرهەمەکانی بەنزین (نۆرماڵ و موحەسەن) لەسەرجەم وێستگە حکومی و ئەهلیەکان بەسیستەمی (POS) (پارەدانی ئەلیکترۆنی- ماستەرکارد) لەسەرتاسەری عێراق، لەڕۆژی چوار شەممە 1/1/2025 دەستپێدەکات.
ڕاشیگەیاندووە، پرۆسەی دەرکردنی کارتی (ماستەرکارد) بەخۆڕایی دەبێت لەڕێگەی (بانکەکان، نووسینگەكان کە لەبازاڕەکان بڵاوبوونەتەوە، ئەپڵیکەیشنی کی کارت).
جەختیشی كردۆتەوە، تەواوکردنی ئەم پڕۆسەیە لە بەرژەوەندی هاووڵاتیاندایە.
