وەزیری سامانە سروشتییەکان ڕایگەیاند، ئاماژەکان زۆرن بۆ ئەوەی ساڵی داهاتوو دەست بە هەناردەکردنەوەی نەوتی هەرێمی کوردستان زۆرن و بەشێکی زۆری کورتهێنانی بودجەش چارەسەردەکات.
ئەمڕۆ دووشەممە، کەمال محەمەد، وەزیری سامانە سروشتییەکان بە وەکالەت پێشوازی لە یان بڕیم کونسوڵی گشتیی فەرەنسا لە هەرێمی کوردستان و لۆران ئێستراد بەرپرسی بەشی ئابووریی باڵیۆزخانەی ئەو وڵاتە لە بەغداد کرد.
لە دیدارەکەدا وەزیری سامانە سروشتییەکان پەیوەندیی نێوان فەرەنسا و هەرێمی کوردستانی بە گرنگ وەسف کرد و سوپاسی پاڵپشتی و هەوڵەکانی حکومەتی فەرەنسای کرد بۆ خێرا دەستپێکردنەوەی هەناردەی نەوتی هەرێمی کوردستان.
کەمال محەمەد ڕایگەیاند، ئاماژەکان زۆرن بۆ دەستپێکردنەوەی هەناردەکرنی نەوتی هەرێمی کوردستان لە ڕێگەی سۆمۆوە لە ساڵی داهاتوودا و لە ئێستادا لە قۆناغی هەموارکردنەوەی بڕگەیەکی ماددەی یاسای بوودجە دایە.
وتیشی: “دەستپێکردنەوەی هەناردەی نەوت بۆ ئابووریی عێراق و هەرێمی کوردستان گرنگییەکی زۆری هەیە و بەشێکی زۆری کورتهێنانی بودجە چارەسەر دەکات”.
